تاجىكستان استاناسى دۋشانبەدە 5-9 قاراشا ارالىعىندا وتكەن KhIMIO2025 حالىقارالىق ماتەماتيكا جانە ينفورماتيكا وليمپياداسىندا قازاقستاندىق وقۋشىلار جوعارى ناتيجە كورسەتىپ، ەل قورجىنىنا سەگىز مەدال سالدى. بۇل تۋرالى وقۋ-اعارتۋ مينيسترلىگى جازدى، دەپ حابارلايدى «ادىرنا» ءتىلشىسى.
بايقاۋعا 10 مەملەكەتتەن دارىندى وقۋشىلار قاتىسقان.
قازاقستان قۇراماسى ەكى جاس ساناتىندا 14-15 جاس (7-8 سىنىپ) جانە 16-18 جاس (9-11 سىنىپ) ارالىعىنداعى وقۋشىلاردان قۇرالعان. ناتيجەسىندە قازاقستاندىقتار ءجۇز پايىزدىق كورسەتكىشكە قول جەتكىزدى.
جوعارى جاس ساناتى (9-11 سىنىپ):
مانسۇر ماماداحۋنوۆ – قىزىلوردا وبلىستىق ء«بىلىم-يننوۆاتسيا» ليتسەي-ينتەرناتى (ينفورماتيكا);
الديار سەيىتباي – استانا قالاسىنىڭ دارىندى ەر بالالارعا ارنالعان ء«بىلىم-يننوۆاتسيا» ليتسەي-ينتەرناتى (ينفورماتيكا);
ءالي ەركەبۇلانۇلى – فمب نازارباەۆ زياتكەرلىك مەكتەبى، الماتى (ماتەماتيكا);
بەردىبەك ورىنباسار – اتىراۋ وبلىستىق №1 ء«بىلىم-يننوۆاتسيا» ليتسەي-ينتەرناتى (ماتەماتيكا).
كىشى جاس ساناتى (7-8 سىنىپ):
احمەت بەردىمۇرات – اقتوبە وبلىستىق ء«بىلىم-يننوۆاتسيا» مامانداندىرىلعان ليتسەي-ينتەرناتى (ماتەماتيكا);
تەمىر ورازبەك – رەسپۋبليكالىق فيزيكا-ماتەماتيكا مەكتەبى، الماتى (ماتەماتيكا);
ازامات راحىمبەرديەۆ – اتىراۋ وبلىستىق №1 ء«بىلىم-يننوۆاتسيا» ليتسەي-ينتەرناتى (ينفورماتيكا);
يسلام ەرمۇقانوۆ – اقتوبە وبلىستىق ء«بىلىم-يننوۆاتسيا» ليتسەي-ينتەرناتى (ينفورماتيكا).
وليمپيادانىڭ جۇمىس تىلدەرى – اعىلشىن، ورىس جانە تاجىك تىلدەرى. قاتىسۋشىلار ماتەماتيكا مەن ينفورماتيكا پاندەرى بويىنشا تەوريالىق جانە پراكتيكالىق تۋرلاردا بىلىمدەرىن سىنادى.
قازاقستان قۇراماسىنىڭ وليمپياداعا قاتىسۋى وقۋ-اعارتۋ مينيسترلىگىنىڭ تىكەلەي قولداۋىمەن، سونداي-اق «دارىن» رەسپۋبليكالىق عىلىمي-پراكتيكالىق ورتالىعىنىڭ ۇيىمداستىرۋىمەن جۇزەگە استى.
