رەسەي پرەزيدەنتى ۆلاديمير پۋتين تاجىكستانعا مەملەكەتتىك ساپارمەن كەلدى. دۋشانبەنىڭ اۋەجايىندا ونى تاجىكستان باسشىسى ەمومالي راحمون قارسى الدى، دەپ حابارلايدى "ادىرنا" ۇلتتىق پورتالى.
ۇشاقتان تۇسكەن سوڭ رەسەي پرەزيدەنتىنىڭ ءجۇرىسى كوپتىڭ نازارىن اۋدارتقان.
سونداي-اق، ەكى پرەزيدەنتتىڭ نەگىزگى كەلىسسوزدەرى قازاننىڭ 9-ىنا جوسپارلانعان. كەزدەسۋ قورىتىندىسى بويىنشا تاراپتار ستراتەگيالىق ارىپتەستىكتى جانە وداقتاستىقتى تەرەڭدەتۋ تۋرالى بىرلەسكەن مالىمدەمە قابىلداۋى كۇتىلەدى.
سونىمەن قاتار ەرتەڭ دۋشانبەدە «رەسەي — ورتالىق ازيا» ءسامميتى، ال جۇما كۇنى تمد مەملەكەتتەرى باسشىلارى كەڭەسىنىڭ وتىرىسى وتپەك.
ايتا كەتەيىك، Human Rights Watch حالىقارالىق قۇقىق قورعاۋ ۇيىمى تاجىكستان بيلىگىن رەسەي پرەزيدەنتى ۆلاديمير ءپۋتيندى ەلگە كىرگىزۋگە تىيىم سالۋعا نەمەسە ول كەلگەن جاعدايدا تۇتقىنداۋعا شاقىرعانىن حابارلاعان ەدىك.
پۋتين مەن راحمون قازان ايىنىڭ العاشقى اپتاسىندا 73 جاسقا تولدى.
