كاسىپكەر، BI Group قۇرىلىس حولدينگىنىڭ نەگىزىن قالاۋشى ءارى ديرەكتورلار كەڭەسىنىڭ توراعاسى ايدىن راحىمباەۆ كەنجە ۇلىن اسكەرگە جىبەردى، دەپ حابارلايدى «ادىرنا» ءتىلشىسى.
ول بۇل جاڭالىقپەن Instagram جەلىسىندەگى پاراقشاسىندا ءبولىسىپ، ۇلىنىڭ انت قابىلداۋ ساتىنەن سۋرەت جاريالادى.
«كەنجە ۇلىم كەشە اسكەري انت قابىلدادى. ەندى ول – ەلىمىزدىڭ دە، وتباسىمىزدىڭ دا قورعاۋشىسى. فيزيكالىق تۇرعىدان جاقسى دايىندىقتان وتكەندىكتەن، دەسانتتىق-شابۋىلداۋ بريگاداسىنا ءتۇستى. التى اي بۇرىن ول لوندونداعى King’s College London ۋنيۆەرسيتەتىنە IT ماماندىعى بويىنشا وقۋعا تۇسكەن ەدى. ءبىز الدىن الا كەلىسىپ، ەگەر وقۋعا بايلانىستى سۇراقتار تۋىنداسا، جەڭىلدىكسىز، وزگە جاستار سياقتى اسكەرگە باراسىڭ دەپ شەشتىك. سول ءسات تە كەلدى. كەلەشەكتە وقۋىن مىندەتتى تۇردە جالعاستىرادى، ازىرگە ناعىز ازامات بولىپ، وتان الدىندا بورىشىن ءوتىپ جاتىر»،–دەپ جازدى كاسىپكەر.
