فوتو: جەكە مۇراعاتتان
تۇركىستان وبلىسى كەلەس اۋدانىنىڭ 19 جاستاعى تۇرعىنى باقىتجان ءاميت ءتورت ايدان استام اسكەري قىزمەت وتكەرگەننەن كەيىن دەنساۋلىعىنا بايلانىستى ۇيىنە قايتارىلعان، دەپ حابارلايدى "ادىرنا" قازاقپاراتقا سىلتەپ.
قازىر ول بالداقپەن ءجۇرىپ، وتا جاساتۋى قاجەت.
سارباز 2025 جىلعى قاراشادا قوناەۆ قالاسىنداعى №58012 اسكەري بولىمگە جىبەرىلگەن. ونىڭ ايتۋىنشا، قىزمەتكە بارعاننان كەيىن ەكى اي وتكەن سوڭ اياعى اۋىرىپ، اقساي باستاعان. كەيىن ول سەمەيدەگى №54770 اسكەري بولىمىنە اۋىستىرىلىپ، دەنساۋلىعىن تەكسەرۋ ءۇشىن استاناداعى اسكەري گوسپيتالعا جىبەرىلگەن. وندا 70 كۇننەن استام ەم قابىلداعان.
اسكەري-دارىگەرلىك كوميسسيا ونى قىزمەتكە جارامسىز دەپ تانىعان.
قورعانىس مينيسترلىگىنىڭ مالىمەتىنشە، باقىتجان اسكەرگە شاقىرىلعان كەزدە مەديتسينالىق تەكسەرۋدەن ءوتىپ، اسكەري قىزمەتكە جارامدى دەپ تانىلعان. قىزمەت بارىسىندا دەنساۋلىعىنا شاعىمدانعاننان كەيىن ول مەديتسينالىق تەكسەرۋگە جىبەرىلىپ، گوسپيتالدا قاجەتتى ەم العان.
تەكسەرۋ كەزىندە ساربازدان جامباس بۋىندارىنىڭ تۋا بىتكەن پاتولوگياسى جانە نەسەپ شىعارۋ جۇيەسىنە قاتىستى قوسىمشا اۋرۋلار انىقتالعان.
