فوتو: ارحيۆ
استانادا 15 مامىر كۇنى قازاقستان رەسپۋبليكاسى قارۋلى كۇشتەرى اۋە قورعانىسى كۇشتەرىنىڭ جوسپارلى ءىس-شارالارى اياسىندا قالا ۇستىنەن جويعىش ۇشاقتار دەمونستراتسيالىق تۇردە ۇشىپ وتەدى.
ءىس-شاراعا دايىندىققا بايلانىستى 10 مامىردان باستاپ ەلوردا اۋە كەڭىستىگىندە اسكەري اۆياتسيانىڭ جاتتىعۋ ۇشۋلارى باستالادى.
جويعىش ۇشاقتاردىڭ ۇشۋى مەن جاتتىعۋ ءىس-شارالارى قاۋىپسىز بيىكتىكتە جۇزەگە اسىرىلادى جانە قالا تۇرعىندارىنىڭ كۇندەلىكتى تىنىس-تىرشىلىگىنە كەدەرگى كەلتىرمەيدى.
سونداي-اق تۇرعىندار مەن قالا قوناقتارىنا جاتتىعۋلار كەزىندە قىسقا مەرزىمدى شۋ دەڭگەيىنىڭ ارتۋى مۇمكىن ەكەنى ەسكەرتىلدى. اسكەري ۆەدومستۆو وكىلدەرى بارلىق ۇشۋلار قاۋىپسىزدىك تالاپتارىنا تولىق سايكەس ۇيىمداستىرىلاتىنىن جانە حالىققا ەشقانداي قاۋىپ توندىرمەيتىنىن اتاپ ءوتتى.
بۇدان بولەك، دەمونستراتسيالىق ۇشۋ بارىسىندا قولدانىلاتىن ءتۇرلى ءتۇستى تۇتىندەردىڭ تەك كورنەكىلىك ماقساتتا پايدالانىلاتىنى جانە قورشاعان ورتاعا زيان كەلتىرمەيتىنى حابارلاندى.
