Atyrau qalasynda reiske tırkelu kezınde jarylǧyş zat bar dep jalǧan aqparat bergen er adam ūstaldy. Būl turaly polisiia departamentı mälımdedı, dep habarlaidy "Adyrna".
Oqiǧa 8 qaraşa künı Atyrau–Almaty baǧytyndaǧy reiske tırkeu kezınde bolǧan. Er adam äuejai qyzmetkerlerıne qol jügınde bomba bar ekenın aityp, dürbeleŋ tudyrǧan.
Terrorizm turaly jalǧan habar boiynşa ıs qozǧaldy
Polisiianyŋ kölıktegı departamentı mälım etkendei, būl fakt QR Qylmystyq kodeksınıŋ 273-baby – «Terrorizm aktısı turaly körıneu jalǧan habar taratu» boiynşa tırkelgen.
«Qazır sotqa deiıngı tergeu bastaldy. QR Qylmystyq-prosestık kodeksınıŋ 201-babyna säikes, tergeu mälımetterı jariia etılmeidı», – delıngen polisiia habarlamasynda.
Atyrau äuejaiy evakuasiialanbady, zardap şekkender men japa şeguşıler joq. Barlyq reis öz kestesıne sai jüzege asyrylyp jatyr.
