اتىراۋ وبلىسىندا جەڭىل كولىك اپاتقا ۇشىراپ، ءتورت ادام قازا تاپتى، دەپ حابارلايدى “ادىرنا” ۇلتتىق پورتالى.
وبلىستىق پد قايعىلى وقيعادان ەكى ساعات بۇرىن ءدال وسى Daewoo Nexia جۇرگىزۋشىسىنە جولدا ساق بولۋ تۋرالى ەسكەرتۋ جاسالعانىن حابارلادى.
26 قازاندا تاڭعى ساعات 4:00 شاماسىندا اتىراۋ — ورال تاس جولىندا اتىراۋ وبلىسى پد پاترۋلدىك پوليتسيا روتاسىنىڭ قىزمەتكەرلەرى رەسەيلىك ءنومىرى بار Daewoo Nexia اۆتوكولىگىن توقتاتقان. جۇرگىزۋشىگە جول قوزعالىسى ەرەجەلەرىن بۇزعانى ءۇشىن اكىمشىلىك حاتتاما تولتىرىلىپ، تۇنگى ۋاقىتتا ەرەكشە ساقتىقتى ساقتاۋ قاجەت ەكەنى ەسكەرتىلگەن.
الايدا، ەكى ساعاتتان كەيىن، سول جولدا 38 جاستاعى جۇرگىزۋشى كولىكتى باسقارا الماي، قارسى جولاققا شىعىپ كەتىپ، جۇك كولىگىمەن سوقتىعىسقان.
جول اپاتى سالدارىنان Daewoo Nexia جۇرگىزۋشىسى مەن ونىڭ ءۇش جولاۋشىسى وقيعا ورنىندا قازا تاپتى. جەڭىل كولىك ورتەنىپ كەتتى.
