اتىراۋ: مەكتەپتە وقۋشىلاردىڭ تاماعىنا “ۆاكتسينا” قوسىپ بەرىپ جاتىر

4535

اتا-انالاردىڭ What’s app مەسسەندجەرىندەگى چاتتارىندا بىرنەشە كۇن بويى مەكتەپ اسحانالارىنداعى تاماق پەن سۋسىندارعا "Pfizer" ۆاكتسيناسى قوسىلۋدا" دەگەن حابارلاما تارالۋدا، دەپ حابارلايدى “ادىرنا” ۇلتتىق پورتالى Stan.kz سايتىنا سىلتەمە جاساپ.

ولاردىڭ ايتۋىنشا، ۆاكتسينا قوسىلعان تاماقتى قابىلداعان بالالاردا قاۋىپتى اۋرۋدىڭ بەلگىلەرى، ياعني، جۇرەك اينۋ جانە قۇسۋ بايقالۋدا. اتىراۋ وبلىسىنىڭ دەنساۋلىق ساقتاۋ باسقارماسى الەۋمەتتىك جەلىلەردە تاراتىلعان اقپاراتتى جوققا شىعاردى. 

“What's app جەلىسىندە  دىبىستىق حابارلاما تاراتقان بەلگىسىز ايەل "Pfizer" ۆاكتسيناسى بالالارعا مۇرىن تامشىلارى ارقىلى دا ەنگىزىلۋدە دەپ مالىمدەيدى. بۇل اقپارات شىندىققا جاناسپايدى. سەبەبى، "Pfizer" كومپانياسى ءوندىرىپ وتىرعان "كوميرناتي" ۆاكتسيناسىنىڭ ءار قۇتىسى 6 ادامعا ارنالعان. جانە ۆاكتسينالار مەديتسينالىق ورىنداردا ارنايى مۇزداتقىشتا  ساقتالۋدا. ۆاكتسينا 12 جاستان 18 جاسقا دەيىنگى جاسوسپىرىمدەرگە  اتا - انالاردىڭ كەلىسىمى بويىنشا يىققا سالىنادى، ۆاكتسينانىڭ مۇرىن تامشىلارى مەن سپرەي تۇرىندەگى بالامالارى جوق”، - دەپ حابارلادى دەنساۋلىق ساقتاۋ باسقارماسىنىڭ ءباسپاسوز قىزمەتى.

“ادىرنا” ۇلتتىق پورتالى

پىكىرلەر
ۇقساس جاڭالىقتار
Серіктестер/Партнеры
Студия IMA - создание сайтов Доставка цветов Астана - Lova Buket