قازاقستاننىڭ ءبىرىنشى، الەمنىڭ 6-راكەتكاسى ەلەنا رىباكينا ەر-ريادتا (ساۋد ارابياسى) ءوتىپ جاتقان WTA قورىتىندى ءتۋرنيرىن ايقىن جەڭىسپەن باستادى. ول الەمنىڭ 4-راكەتكاسى، امەريكالىق اماندا انيسيموۆانى 6:3, 6:1 ەسەبىمەن ۇتتى، دەپ حابارلايدى “ادىرنا”.
قازاقستاندىق تەننيسشى 7 ەيس جاساپ، 5 برەيك-پوينتتىڭ تورتەۋىن ءتيىمدى پايدالاندى. ال اماندا انيسيموۆا تەك 2 ەيس قانا ورىندادى.
وسى توپتا پولشا وكىلى، الەمنىڭ 2-راكەتكاسى يگا شۆەنتەك تە العاشقى ويىندا امەريكالىق مەديسون كيزدى 6:1, 6:2 ەسەبىمەن جەڭدى.
ايتا كەتسەك، رىباكينا كەلەسى كەزدەسۋىن 3 قاراشا كۇنى شۆەنتەككە قارسى وتكىزەدى.
ۇقساس جاڭالىقتار
