وزبەكستاندا كەلىنى ەنەسى مەن كۇيەۋىن ءولتىرىپ، ولاردىڭ ەتىنەن مانتى ءپىسىردى دەگەن جالعان دەرەك تارادى، دەپ حابارلايدى "ادىرنا" ۇلتتىق پورتالى.
بۇل تۋرالى ەلدىڭ جوعارعى سوتى رەسمي تۇردە مالىمدەگەن.
الەۋمەتتىك جەلىلەر مەن كەيبىر اقپارات قۇرالدارىندا تاراعان دەرەكتەرگە سايكەس، كەلىن ەنەسى مەن كۇيەۋىن ءولتىرىپ، ولاردىڭ ەتىنەن مانتى ءپىسىرىپ، كورشىلەرىنە تاراتقان دەلىنگەن بولاتىن.
سونداي-اق ايەلدىڭ 12 جىلعا باس بوستاندىعىنان ايىرىلعانى تۋرالى اقپارات تاراعانى حابارلانعان.
الايدا وزبەكستان جوعارعى سوتىنىڭ رەسمي حابارلاماسىندا بۇل اقپاراتتىڭ شىندىققا جاناسپايتىنى ايتىلدى.
«مۇنداي قىلمىس ءبىزدىڭ ەلدە بولعان جوق جانە ول سوتتاردا قارالعان ەمەس»، — دەلىنگەن ۆەدومستۆونىڭ مالىمدەمەسىندە.
ۇقساس جاڭالىقتار
