ايگىلى قازاقستاندىق سۋرەتشى ەربوسىن مەلدىبەكوۆتىڭ «نازارباەۆتىڭ تالتىرەكتەۋى» اتتى تۋىندىسىن ماسكەۋدەگى Garage زاماناۋي ونەر مۋزەيى ساتىپ العان. بۇل تۋرالى NBK باسىلىمى جازدى، دەپ حابارلايدى «ادىرنا».
ينستاللياتسيا العاش رەت قازاقستاندا 2024 جىلدىڭ اقپانىندا وتكەن «بوران – بايقوڭىر: جىبەك جولى مەن قۇس جولىنىڭ اراسى» اتتى جەكە كورمەسىندە جۇرتشىلىققا كورسەتىلگەن ەدى. كورمەنى قايرات بورانباەۆتىڭ باستاماسىمەن «تسەليننىي» زاماناۋي مادەنيەت ورتالىعى ۇيىمداستىرىپ، وعان سەرىك تولۇقپاەۆتىڭ Aitas Foundation قورى دەمەۋشىلىك جاساعان.
بەس قولا مۇسىننەن تۇراتىن بۇل جۇمىس – تالدىقورعاندا ەلباسى مارتەبەسىندە تۇرعان كەزدە ورناتىلىپ، 2022 جىلعى قاڭتار وقيعاسى كەزىندە قۇلاتىلعان نازارباەۆ ەسكەرتكىشىنىڭ كوشىرمەسى. مەلدىبەكوۆ ءۇش سەكۋندتىق قۇلاۋ ءساتىن «ۋاقىتى باياۋ قوزعالعانداي» كادرلارعا ءبولىپ بەينەلەگەن. ينستاللياتسيادا نازارباەۆ بەينەسىنىڭ تالتىرەكتەپ قۇلاپ بارا جاتىپ قايتادان كوتەرىلۋ يلليۋزياسى بەرىلەدى.
كورمە كەزىندە تۋىندى قوعامدىق داۋ تۋعىزعان: ۇيىمداستىرۋشىلاردان جۇمىستى الىپ تاستاۋدى تالاپ ەتكەن. الايدا سۋرەتشى مەن ۇيىمداستىرۋشى داستان قوجاحمەتوۆ بۇعان كەلىسپەگەن. سونىڭ ناتيجەسىندە Aitas Foundation سۋرەتشىمەن ىنتىماقتاستىقتى توقتاتقان.
قازىرگى تاڭدا تۋىندىنى Garage مۋزەيى بىرنەشە ونداعان مىڭ دوللارعا ساتىپ العان، ناقتى سوماسى جاريا ەتىلمەدى.
