First Heartland Jusan Bank «قازاقتەلەكوم» اق جاي اكتسيالارىنىڭ 9%-ىن ساتىپ الدى، بۇل تۋرالى بانك مالىمدەدى، دەپ حابارلايدى “ادىرنا” ۇلتتىق پورتالى.
«First Heartland Jusan Bank» اق «قازاقستان قور بيرجاسى» اق-دا (KASE) «قازاقتەلەكوم» اق-نىڭ 983 مىڭ جاي اكتسياسىن ساتىپ العانى تۋرالى حابارلايدى. بۇل ورنالاستىرىلعان جاي اكتسيالاردىڭ جالپى سانىنىڭ 9%-ىن قۇرايدى، - دەلىنگەن قازاقستان قور بيرجاسىنىڭ حابارلاماسىندا (KASE).
اقپاراتقا سايكەس، اكتسيالار اشىق اۋكتسيون ارقىلى ساتىپ الىنعان.
بانك «كسەلل» اق-دا بۇرىننان تيەسىلى ۇلەسىنە قوسىمشا «قازاقتەلەكوم» اق اكتسيالارىن ساتىپ الدى.
ايتا كەتەيىك، First Heartland Jusan Bank بىرنەشە جىلدان بەرى قازاقستاننىڭ ەكس-پرەزيدەنتى نۇرسۇلتان نازارباەۆپەن بەلسەندى تۇردە ارالاسىپ كەلەدى. First Heartland Jusan Bank اكتسيالارىنىڭ 78%-دان استامى «First Heartland Securities» اق-قا تيەسىلى، ول نازارباەۆ ۋنيۆەرسيتەتى، نازارباەۆ زياتكەرلىك مەكتەپتەرى جانە نازارباەۆ اۆتونومدى ءبىلىم بەرۋ ۇيىمدارى توبىنىڭ قارجىلىق حولدينگىنىڭ ينۆەستيتسيالىق بولىمشەسىن باقىلاعان. بۇل رەتتە First Heartland Securities-ءتى باقىلايتىن قۇرىلىم بولىپ سانالاتىن Jusan Technologies LTD نازارباەۆ جانە ونىڭ وتباسىمەن بايلانىسىن جوققا شىعارادى.
