Äigılı qazaqstandyq suretşı Erbosyn Meldıbekovtıŋ «Nazarbaevtyŋ tältırekteuı» atty tuyndysyn Mäskeudegı Garage zamanaui öner muzeiı satyp alǧan. Būl turaly NBK basylymy jazdy, dep habarlaidy «Adyrna».
İnstalliasiia alǧaş ret Qazaqstanda 2024 jyldyŋ aqpanynda ötken «Boran – Baiqoŋyr: Jıbek joly men Qūs jolynyŋ arasy» atty jeke körmesınde jūrtşylyqqa körsetılgen edı. Körmenı Qairat Boranbaevtyŋ bastamasymen «Selinnyi» zamanaui mädeniet ortalyǧy ūiymdastyryp, oǧan Serık Tolūqpaevtyŋ Aitas Foundation qory demeuşılık jasaǧan.
Bes qola müsınnen tūratyn būl jūmys – Taldyqorǧanda Elbasy märtebesınde tūrǧan kezde ornatylyp, 2022 jylǧy Qaŋtar oqiǧasy kezınde qūlatylǧan Nazarbaev eskertkışınıŋ köşırmesı. Meldıbekov üş sekundtyq qūlau sätın «uaqyty baiau qozǧalǧandai» kadrlarǧa bölıp beinelegen. İnstalliasiiada Nazarbaev beinesınıŋ tältırektep qūlap bara jatyp qaitadan köterılu illiuziiasy berıledı.
Körme kezınde tuyndy qoǧamdyq dau tuǧyzǧan: ūiymdastyruşylardan jūmysty alyp tastaudy talap etken. Alaida suretşı men ūiymdastyruşy Dastan Qojahmetov būǧan kelıspegen. Sonyŋ nätijesınde Aitas Foundation suretşımen yntymaqtastyqty toqtatqan.
Qazırgı taŋda tuyndyny Garage muzeiı bırneşe ondaǧan myŋ dollarǧa satyp alǧan, naqty somasy jariia etılmedı.
