تۇركىستان وبلىسى شاردارا اۋدانىنداعى مەكتەپتەردىڭ بىرىندە دەنە شىنىقتىرۋ ساباعىنا كەلىپ، جاتتىعۋ جاساعان وقۋشى كوز جۇمدى. اقپاراتتى تۇركىستان وبلىسىنىڭ ءبىلىم بەرۋ باسقارماسى راستادى، دەپ حابارلايدى "ادىرنا".
«بالانىڭ ولىمىنە قاتىستى وقيعا ءبىلىم باسقارماسىنىڭ باقىلاۋىندا. الدىن الا مالىمەت بويىنشا، دەنە شىنىقتىرۋ ساباعىندا بالا جاتتىعۋ جاساپ جاتىپ، قۇلاپ تۇسكەن. مۇعالىم مەن مەكتەپتىڭ مەدبيكەسى بالانى تەز ارادا شاردارا اۋدانىنىڭ اۋرۋحاناسىنا اپارعان. الايدا، وپەراتسيا كەزىندە بالا جان تاپسىردى»، - دەپ حابارلايدى ءبىلىم باسقارماسى.
قازىر بالانىڭ ولىمىنە بايلانىستى قىلمىستىق ءىس قوزعالىپ، تەرگەۋ باستالعان.
ۇقساس جاڭالىقتار
