تۇركىستان وبلىسى، وتىرار اۋدانى، سىرداريا وزەنىنىڭ جاعاسىنا دەمالۋعا بارعان اعايىندى 4 وتباسىنىڭ مۇشەسى سۋعا باتتى. وقيعانىڭ اقىر سوڭى قايعىلى جاعدايمەن اياقتالدى. جوعالعان 11 ادامنىڭ 8-ءنىڭ دەنەسى تابىلدى، دەپ حابارلايدى "ادىرنا" ۇلتتىق پورتالى.
سىرداريا وزەنىندە سۋعا باتقان 11 ادامنىڭ 8-ءنىڭ دەنەسى تابىلدى. ولاردىڭ ەكەۋى - ەرەسەك، ال التاۋى - ءجاسوسپىرىم. قالعان ىزدەستىرىلىپ جاتقان 3 ادامنىڭ دا ەكەۋى ءجاسوسپىرىم، بىرەۋى كامەلەت جاسىنا تولماعانى انىقتالدى.
وبلىستىق توتەنشە جاعدايلار دەپارتامەنتىنىڭ مالىمەتىنشە، وزەن جاعاسىنا دەمالۋعا بارعان 20 ادامنىڭ بارلىعى - ءبىر اۋلەتتەن تاراعان ءتورت وتباسىنىڭ مۇشەلەرى. ولاردىڭ وتىرار اۋدانىنا قاراستى، كوكساراي اۋىلىنىڭ تۇرعىندارى ەكەنى بەلگىلى بولدى.
ىزدەۋ شارالارىنا 144 ادام، 16 تەحنيكا مەن 6 ءجۇزۋ قۇرالى جانە 2 درون جۇمىلدىرىلدى.
"ادىرنا" ۇلتتىق پورتالى