قاسكەلەڭ قالاسىنداعى ساتباەۆ اتىنداعى مەكتەپتە 9-سىنىپ وقۋشىسى قايتىس بولدى، دەپ حابارلايدى «ادىرنا» ءتىلشىسى.
قاراساي اۋدانىنىڭ ءبىلىم ءبولىمى قايعىلى جاعدايدىڭ 21 قاڭتار كۇنى تاڭەرتەڭ بولعانىن مالىمدەدى.
ء«بىرىنشى ساباقتان كەيىنگى ءۇزىلىس كەزىندە 9 «گ» سىنىپ وقۋشىسىنىڭ جاعدايى ناشارلاعان. مەكتەپ اكىمشىلىگى دەرەۋ جەدەل مەديتسينالىق كومەك بريگاداسىن شاقىرعان. جەدەل مەديتسينالىق كومەك كورسەتىلگەنىنە قاراماستان، وقۋشىنى قۇتقارۋ مۇمكىن بولمادى»،-دەلىنگەن حابارلامادا.
قازىرگى تاڭدا اتالعان دەرەك بويىنشا تەكسەرۋ جانە تەرگەۋ شارالارى جۇرگىزىلىپ جاتىر.
ء«مايىت سوت-مەديتسينالىق ساراپتاماعا جىبەرىلدى، ونىڭ قورىتىندىسى بويىنشا قوسىمشا اقپارات ۇسىنىلاتىن بولادى»،- دەپ قوستى ءبىلىم بولىمىندەگىلەر.
ۇقساس جاڭالىقتار
