قىرعىزستانداعى ماناس قالاسىنىڭ مەرى جەنىشبەك توقتورباەۆ قالاداعى ماڭدايشالاردى مەملەكەتتىك ءتىل تۋرالى زاڭعا سايكەستەندىرۋدى تاپسىردى، دەپ حابارلايدى «ادىرنا» ءتىلشىسى.
ول 28 قازاندا «كەرمە-توو» قازاندىعىنىڭ سالتاناتتى اشىلۋىندا قالاداعى ءدامحانا مەن مەيرامحانالاردىڭ، كاسىپورىنداردىڭ اتاۋلارى اعىلشىن، قىتاي، اراب جانە وزبەك تىلدەرىندە جازىلعانىن اتاپ ءوتتى.
«10 قاراشاعا دەيىن بارلىق ماڭدايشا تولىقتاي قىرعىز تىلىندە جازىلۋى ءتيىس»، — دەدى قالا باسشىسى.
ايتۋىنشا، بۇل شارا مەملەكەتتىك ءتىلدى قولداۋ مەن دامىتۋعا باعىتتالعان.
قىرعىزستاندا دا قازاقستانداعىداي ورىس ءتىلى - رەسمي ءتىل. الايدا قىرعىز كونستيتۋتسياسىنىڭ 13 بابىندا بىلاي دەلىنگەن: قىرعىز ءتىلى - قىرعىز رەسپۋبليكاسىنىن مەملەكەتتىك ءتىلى. مەملەكەتتىك ءتىلدى قولدانۋ ءتارتىبى كونستيتۋتسيالىق زاڭمەن رەتتەلگەن. قىرعىز رەسپۋبليكاسىندا رەسمي ءتىل رەتىندە ورىس ءتىلى قولدانىلادى".
