قىرعىزستاندا وتەتىن VI دۇنيەجۇزىلىك كوشپەندىلەر ويىنىنىڭ رەسمي باعدارلاماسىنا قازاقتىڭ كوكپارى ەندى، دەپ حابارلايدى “ادىرنا” ۇلتتىق پورتالى.
بۇل تۋرالى «قازاقستان كوكپار فەدەراتسياسىنىڭ» پرەزيدەنتى ايداربەك قوجانازاروۆ حابارلادى.
وعان دەيىن ويىنداردىڭ تىزىمىندە كوكپاردىڭ بولماۋى قوعامدا كەڭ تالقىلاۋ تۋدىرعان ەدى.
قوجانازاروۆتىڭ ايتۋىنشا، تۋريزم جانە سپورت مينيسترلىگىمەن بىرلەسىپ، قىرعىز ارىپتەستەرمەن كەلىسسوزدەر جۇرگىزىلگەن. ونىڭ سوزىنشە، كوكپار مەن كوكبورى قازاق پەن قىرعىزدىڭ ۇلتتىق سپورت مادەنيەتىنىڭ ماڭىزدى سيمۆولدارى بولىپ تابىلادى.
«بۇل تەك ويىن ەمەس، ۇرپاقتار ساباقتاستىعى مەن ورتاق مادەني كود. حالىقارالىق جارىستار دوستىق پەن بىرلىكتىڭ نىشانى بولۋى كەرەك»، — دەدى قوجانازاروۆ.
ايتا كەتەيىك، وتكەن جىلى كوكپار ويىندار باعدارلاماسىنا ەنبەگەن. باعدارلامادا تەك كوكبورى سپورتى بولعان. قازىر قازاقتىڭ ءداستۇرلى ويىنى قازاقستاننان بولەك، موڭعوليا، وزبەكستان، تاجىكستان جانە اۋعانستان سياقتى ەلدەردە دە كەڭىنەن تانىمال.
