تۇركىستان وبلىسىندا وڭىرگە ينۆەستيتسيا تارتۋ باعىتىنداعى جۇمىستار جۇيەلى جۇرگىزىلۋدە

تۇركىستان وبلىسىنا ينۆەستيتسيا تارتۋ، ءوڭىر ەكونوميكاسىن دامىتۋ ارقىلى كاسىپكەرلىك سالاسىن جەتىلدىرۋ باعىتىنداعى جۇمىستار ءوز ناتيجەسىن بەرىپ كەلەدى. سونىمەن قاتار شەتەلدىك كومپانيالارمەن تاجىريبە الماسۋ ارقىلى وڭىرگە ينۆەستيتسيا تارتۋ شارالارى ۇدايى جۇرگىزىلۋدە. وسى جانە وزگە دە ماسەلەلەر تۇركىستان وبلىسى اكىمىنىڭ ورىنباسارى تالعات قوزبەكوۆتىڭ توراعالىعىمەن وتكەن ماجىلىستە تالقىلاندى.

جيىنعا سالاعا جاۋاپتى ماماندار قاتىسىپ، وڭىردەگى ينۆەستيتسيالىق جوبالاردىڭ اعىمداعى جاعدايى مەن «TURKISTAN» يندۋستريالدى ايماعى جانە «Turan» ارنايى ەكونوميكالىق اۋماعىنداعى وزەكتى ماسەلەلەر جايىن باياندادى. 

كەڭەس بارىسىندا وبلىستا جۇزەگە اسىپ جاتقان ينۆەستيتسيالىق جوبالاردىڭ كەزەڭ-كەزەڭىمەن ىسكە اسىرىلۋى، ينفراقۇرىلىممەن قامتاماسىز ەتۋ، ينۆەستورلارعا قولداۋ كورسەتۋ جانە اكىمشىلىك كەدەرگىلەردى ازايتۋ ماسەلەلەرى زەردەلەندى. 

سونىمەن قاتار ارنايى ەكونوميكالىق جانە يندۋستريالدى ايماقتارداعى ينفراقۇرىلىم جۇمىستارىن جەدەلدەتۋ، جەر تەلىمدەرىن راسىمدەۋ، قاجەتتى ينجەنەرلىك جەلىلەرمەن قامتۋ جۇمىستارى مەن كاسىپكەرلەردىڭ ۇسىنىستارىن ەسكەرە وتىرىپ، ولارمەن ءوزارا بايلانىستى نىعايتۋ باعىتىنداعى تۇيتكىلدەر ايتىلىپ، ناقتى تاپسىرمالار جۇكتەلدى. وبلىس اكىمىنىڭ ورىنباسارى تالعات قوزبەكوۆ سالاعا جاۋاپتى ماماندار مەن ەنشىلەس كومپانيا باسشىلارىنا اتالعان جوبالاردى ساپالى ءارى ۋاقتىندا جۇزەگە اسىرۋدى تاپسىردى