جاڭا تەحنولوگيا: كارتاسىز قاراجات اۋدارىپ، اقشا الۋعا بولادى

2412
ForteBank-تىڭ استاناداعى باس كەڭسەسىندە العاش رەت ForteDay شاراسى ۇيىمداستىرىلدى. جيىندا بانك قىزمەتىندەگى زامانۋي تەحنولوگيالىق جاڭالىقتارى تانىستىرىلدى. ماسەلەن، قارجى ۇيىمىنان پايىزسىز نەسيە الىپ، بانكوماتىنان كارتاسىز اقشا اۋدارىمىن جاساي الاسىز. سونداي-اق، اتالعان بانكتىڭ موبيلدىك قوسىمشاسى ارقىلى  بىرنەشە بانكتىك شوتىڭىزدى باسقاراۋعا دا بولادى، دەپ حابارلايدى ەلوردا ينفو.

باسقوسۋ بارىسىندا ForteBank جاڭا قىزمەت تۇرلەرى مەن ونىمدەرىن تانىستىردى. تانىستىرىلىم بانكتىڭ Youtube, Facebook الەۋمەتتىك جەلىسىندەگى پاراقشالارىندا ونلاين ترانسلياتسيا ارقىلى كورسەتىلدى. ForteDay شاراسىندا 2017 جىلعى بانك قورىتىندىلارى مەن ستاتيستيكاسى، بانكتىڭ العاشقى ءۇش جىلداعى ءوسىم كورسەتكىشتەرى، بانك قولداۋىمەن جۇزەگە اسقان الەۋمەتتىك جوبالار تۋرالى ايتىلدى. ForteDay “Sa’lem jiberemiz” تاقىرىبىندا ءوتتى.

پايىزسىز نەسيە تۋرالى بىلەسىز بە؟

بۇگىندە 65 مىڭنان استام كومپانيامەن جۇمىس ىستەيتىن ForteBank بىلتىر قازاقستاندىق ۇزدىك بانكتەردىڭ بەستىگىنە كىرىپ، لوندونداعى “The Banker” جۋرنالىنىڭ شەشىمى بويىنشا “قازاقستانداعى ۇزدىك بانك” نوميناتسياسىن جەڭىپ العان بولاتىن. ال بيىل ForteBank “Global Finance” جۋرنالىنىڭ قورىتىندىسى بويىنشا “قازاقستانداعى ۇزدىك بانك” اتاندى.

ForteBank ۋاقىت وتكەن سايىن تۇتىنۋشىلارىنا جاڭا ونىمدەر مەن قىزمەت تۇرلەرىن ۇسىنۋدا. سولاردىڭ ءبىرى – 3 ميلليون تەڭگەگە دەيىن نەسيە الۋعا بولاتىن CreditCard نەسيەلىك كارتاسى. پايىزسىز نەسيە دەگەندى ەستۋىڭىز بار ما؟ نارىقتىق ەكونوميكا زامانىندا ۇستەمەسىز نەسيەنىڭ بولۋى مۇمكىن ەمەس سياقتى. الايدا، ForteBank تۇتىنۋشىسى CreditCard نەسيەلىك كارتاسىنىڭ كومەگىمەن العان نەسيەنى 55 كۇننىڭ ىشىندە پايىزسىز قايتارۋ مۇمكىندىگىنە يە. سونداي-اق، كارتا ارقىلى جۇمسالعان قاراجاتتىڭ 15 پايىزى كەشبەك تۇرىندە كارتا يەسىنە قايتارىلادى. سash-Back دەگەنىمىز – تاۋار نەمەسە قىزمەتتەردى كارتامەن تولەگەندە ءوز ساۋداڭىز ءۇشىن الاتىن شىنايى اقشا. دەمەك، ءسىز CreditCard-پەن ەسەپتەسكەن جاعدايدا، جۇمسالعان سومانىڭ ءبىر بولىگى كارتاڭىزعا كەرى قايتارىلادى.  اعىمداعى جىلدىڭ ءساۋىر ايىنىڭ وزىندە 97 ميلليون كەشبەك ForteBank تۇتىنۋشىلارىنا قايتارىلعان.

 

CreditCard-تىڭ تاعى ءبىر ارتىقشىلىعى – ابونەنتتىك تولەمدى تالاپ ەتپەيدى جانە قارىزدى وتەۋدىڭ ەڭ تومەنگى مولشەرلەمەسى نەبارى 1 پايىزدى قۇرايدى. باسقا بانكتەرمەن سالىستىرعاندا بانك مولشەرلەمەسى 5 ەسەگە تومەن ەكەنىن ەسكەرسەك، بۇل تۇتىنۋشىلار ءۇشىن ۇتىمدى بولماق.

قيىندىقسىز ساياحات نەمەسە ءبىر قوسىمشادا بىرنەشە بانكتى باسقارىڭىز

كوپ ادامدار شەتەلگە ساياحات كەزىندە قاراجاتىن قانداي ۆاليۋتادا ساقتاۋ كەرەك ەكەنىن بىلمەي جاتادى. قولما-قول اقشا ۇستاۋ قاۋىپتى دەپ ويلايتىندار بار. مۇنداي جاندارعا MultiCard اتتى ساياحاتشى كارتاسى كومەكشى بولا الادى. MultiCard-تىڭ كومەگىمەن تۇتىنۋشى بىردەن بەس ۆاليۋتانى قاتار باسقارا الادى. سونداي-اق، ForteBank تۇتىنۋشىلارى الەمنىڭ كەز كەلگەن بانكوماتىنان كوميسسياسىز اقشا شەشىپ الۋ مۇمكىندىگىنە يە. ساياحاتشىلار كوپ جاعدايدا ساقتاندىرۋدى ارتىق شىعىن ساناپ، باس تارتىپ جاتادى. الايدا، شەتەلدە قارجىلىق ساقتاندىرۋ قاجەت-اق، وسى ورايدا MultiCard تەگىن ساقتاندىرۋ پاكەتىن كارتامەن بىرگە ۇسىنادى.

ساياحاتشىلارعا ارنالعان ForteTravel قىزمەتى تۇتىنۋشىلارعا اۆيابيلەتتەر مەن تەمىرجول بيلەتتەرىن، ءاۆتوموبيلدى جالعا الۋ، وعان قوسا قوناق ءۇي جالداۋ سياقتى سەرۆيس تۇرلەرىن ءتيىمدى تاسىلمەن پايدالانۋعا كومەكتەسەدى. اتالعان قىزمەت ءتۇرى ۇزاق ۋاقىت المايدى جانە ءاربىر جاسالعان قىزمەت ءۇشىن بانك 4 پايىزعا دەيىن كەشبەك قايتارۋعا دايىن.

تەلەفون ءنومىرى ارقىلى اۋدارىم جاساپ، كارتاسىز اقشا الۋعا بولادى

سىزدە بىرنەشە بانك كارتاسى بار. ولاردى ونلاين باسقارۋ ءۇشىن جەكە-جەكە ءموبيلدى باعدارلاماسىن جازىپ الۋ كەرەك. ال ForteBank-ءتىڭ ءموبيلدى قوسىمشاسى ارقىلى بىرنەشە بانك كارتاسىن قاتار باسقارۋعا بولادى.

ForteBank-ءتىڭ قوىسمشاسى بىلتىر “ۇزدىك ءموبيلدى قوسىمشا” اتاندى. ينتەرنەت بانكينگ پەن ءموبيلدى قوسىمشانىڭ باسقا بانك قوسىمشالارىنا قاراعاندا كوپتەگەن ارتىقشىلىقتارى بار. مىسالى، ForteBank ءموبيلدى قوسىمشاسىن تەك ForteBank كارتاسىنىڭ تۇتىنۋشىلارى عانا ەمەس، قازاقستاننىڭ باسقا دا بانكتەرىنىڭ تۇتىنۋشىلارى تەگىن قولدانا الادى. بۇل ماسەلەگە كەلگەندە ForteBank اشىق بانك قىزمەتىن قولدانادى. ءسىز ءبىر ءموبيلدى قوسىمشا ارقىلى بىرنەشە بانك كارتاسىن تىركەپ، قاجەتتى قىزمەتتەردى وڭاي ءارى ءتيىمدى پايدالانا الاسىز.

جاقىنىڭىزعا نەمەسە تانىسىڭىزعا شۇعىل تۇردە اقشا اۋدارۋ كەرەك. الايدا، ءسىزدىڭ دە، ونىڭ دا قولىندا بانك كارتاسى مەن نومەرى جوق. مۇنداي تىعىرىقتان قالاي شىعۋعا بولادى؟ ForteBank-ءتىڭ FortePay دەپ اتالاتىن جاڭا قىزمەت ءتۇرى بۇل ماسەلەنىڭ دە وڭاي شەشىمىن ۇسىنادى.

FortePay قىزمەتى ارقىلى قاراجات اۋدارعىڭىز كەلەتىن تۇلعانىڭ تەلەفون نومەرى ارقىلى عانا، باسقا قوسىمشا اقپاراتسىز-اق اقشا اۋدارىمىن جاساي الاسىز. اۋدارىلعان قاراجاتتى تۇتىنۋشى ءوزىنىڭ قالاعان كارتاسىنا نەمەسە شوتىنا اۋدارىپ الا الادى.

بانك كارتاسىن ۇيگە ۇمىتىپ كەتسەڭىز نەمەسە جاقىنىڭىزعا بەرىپ قويساڭىز، بانكومات كارتاڭىزدى جۇتىپ قويسا، الايدا شۇعىل تۇردە اقشا الۋ كەرەك بولسا نە ىستەۋ كەرەك؟ ءتىپتى، كارتاڭىزدى قايدا قويعانىڭىزدى ۇمىتىپ قالعان جاعدايلار دا كەزدەسەدى. مۇندايدا  ForteBank-ءتىڭ كەز كەلگەن بانكوماتىندا قولجەتىمدى Cash by code فۋنكتسياسىن قولدانۋعا بولادى.

قولىڭىزدا كارتاڭىز بولماعان كۇننىڭ وزىندە قازاقستاندىقتار بانكتىڭ ءموبيلدى قوسىمشاسىن پايدالانۋ ارقىلى بانكوماتتان اقشا شەشىپ الا الادى. ول ءۇشىن كارتاسىز اقشا الۋ قىزمەتى سىزگە ارنايى سمس-كود جىبەرەدى. سول كودتىڭ كومەگىمەن ForteBank-ءتىڭ كەز كەلگەن بانكوماتىنان بانك كارتاسىنداعى قاراجاتىڭىزدى شەشىپ الا الاسىز.

ForteDay جاڭا ءونىم، جاڭا قىزمەت، جاڭا مۇمكىندىككە جول اشتى. جالپى، قازىرگى تاڭدا ForteBank-ءتىڭ ءموبيلدى قوسىمشاسىندا 350-دەن استام قىزمەت ءتۇرى قولجەتىمدى. مۇندا اي سايىن 1769751 ترانزاكتسيا جاسالادى. بانك قىزمەتكەرلەرى تۇتىنۋشىلاردىڭ قاۋىپسىزدىگى مەن اقپارتقا قولجەتىمدىلىگىن قامتامىسز ەتۋ ماقساتىندا ءتۇرلى قىزمەتتەر مەن ونىمدەر جاساپ جاتىر. جاقىندا عانا وتكەن ForteDay تانىستىرىلىم شاراسى كوپشىلىككە بەيمالىم قىزمەت تۇرلەرى تۋرالى تولىق اقپارات بەردى. بانكتىڭ باسقارما توراعاسى گۋرام اندرونيكاشۆيلي بيىل العاش رەت ءوتىپ وتىرعان ForteDay شاراسىن جىلىنا ەكى رەت وتكىزۋدى جوسپارلاپ وتىرعاندارىن جانە بۇل شارادا جاڭا قىزمەتتەر مەن ونىمدەردى تانىستىرۋدى داستۇرگە اينالدىراتىندارىن ايتتى.

_____________________________________________________________________________________________________________________

تەلمان بەيسەنوۆ

پىكىرلەر