رەسپۋبليكا كۇنى قارساڭىندا وتىرار اۋدانىندا «تاريحقا تاعزىم-ۇرپاققا امانات» جالپىۇلتتىق باعدارلاماسى اياسىندا سانيتارلىق تازالىق جانە اباتتاندىرۋ جۇمىستارى ۇيىمداستىرىلدى.
تازالىق جۇمىستارىنا جالپى سانى 500-گە جۋىق ادام قاتىستى. ولاردىڭ قاتارىندا اۋدان تۇرعىندارى، ەرىكتىلەر مەن ۇيىمداستىرۋشىلار قاتىسىپ، قوعامدىق اۋماقتاردى تازارتۋ جانە ەلدى مەكەندەردىڭ كوركىن ارتتىرۋ جۇمىستارىنا اتسالىستى. سونداي-اق، تازالىق شاراسىنا 10-عا جۋىق تەحنيكا جۇمىلدىرىلىپ 5 تونناعا جۋىق قوقىس ارنايى ورىندارعا جەتكىزىلدى.
«تازا قازاقستان» اكتسياسى – قورشاعان ورتانى قورعاۋعا، ەلدى مەكەندەردىڭ سانيتارلىق جاعدايىن جاقسارتۋعا جانە قوعامدا ەكولوگيالىق جاۋاپكەرشىلىكتى نىعايتۋعا باعىتتالعان ورتاق باستاما. مۇنداي شارالارعا تۇرعىنداردىڭ بەلسەندى قاتىسۋى تازا ءارى جايلى ورتا قالىپتاستىرۋعا مۇمكىندىك بەرەدى. 
