قازاقستاندىق بلوگەر ەسەكتى جولاقتارمەن بوياپ، ونى زەبراعا ۇقساتپاق بولعان ۆيدەوسىمەن جەلىدە سىنعا ۇشىرادى، دەپ حابارلايدى "ادىرنا" ۇلتتىق پورتالى Stan.kz-كە سىلتەپ.
اۆتوردىڭ ءوزى جاريالاعان بەينەجازبادا بلوگەردىڭ ەسەكتى قارا-اق جولاقتارمەن بوياپ جاتقان ءساتى كورسەتىلگەن. بۇل ۆيدەو الەۋمەتتىك جەلى قولدانۋشىلارى اراسىندا كەڭىنەن تالقىلانىپ، كوپشىلىكتىڭ نارازىلىعىن تۋدىردى.
ينتەرنەت قولدانۋشىلارى مۇنداي ارەكەتتى جانۋارعا قاتىگەزدىك دەپ باعالاپ، بوياۋدىڭ قۇرامىنداعى حيميالىق زاتتاردىڭ جانۋار دەنساۋلىعىنا زيان كەلتىرۋى مۇمكىن ەكەنىن اتاپ ءوتتى. كەيبىر پىكىر يەلەرى بوياۋ قۇرامىندا كسيلول، مەتيلاتسەتات نەمەسە بۋتانول سەكىلدى قاۋىپتى ەرىتكىشتەر بار ەكەنىن ەسكەرتتى.
كوپتەگەن قازاقستاندىقتار بلوگەردىڭ ءىسىن ايىپتاپ، جانۋارلاردى قورعاۋ زاڭناماسى بويىنشا جاۋاپقا تارتۋدى تالاپ ەتتى. ولار e-Otinish پلاتفورماسى ارقىلى شاعىم جولداۋعا نيەتتى ەكەنىن جەتكىزدى.
