باتىس قازاقستان وبلىسى اقساي قالاسى مەن وزگە دە ەلدىمەكەندەردە 180-گە جۋىق ءۇيدى سۋ باستى. سونىمەن قاتار 2 ادام كوز جۇمعان. بۇل تۋرالى بلوگەر ەسەنتاي نيازباەۆ Instagram پاراقشاسىندا تۇرعىنداردىڭ ۇيگە جەتۋ ءۇشىن قايىقپەن قاتىناپ جۇرگەنىن مالىمدەدى، دەپ حابارلايدى “ادىرنا” ۇلتتىق پورتالى.
"اقساي قالاسى مەن ونىڭ جانىنداعى ءبىراز اۋىلدى سۋ باستى. ءبىزدىڭ باتىستا سۋ تاسقىنى بولىپ جاتىر. 180-گە جۋىق ءۇي سۋدان زارداپ شەكتى، ول 180 وتباسى. قانشاما
ادام، قانشاما ءسابي. جارايدى، سۋ ەرتەڭ كەتەدى. بىراق ۇيدە دىمقىل ءبارىبىر قالادى. قانشا ادام تۋبەركۋلەزبەن اۋىرادى. بىراق ءبىزدىڭ باتىسقا جازدىڭ كەلۋىنە ءالى 2 اي بار. قازىر 2 ادام سۋ تاسقىنىنان قايتىس بولدى. ادامدار ۇيىنە جەتۋ ءۇشىن قايىقپەن جۇرەدى", – دەدى بلوگەر.
سونداي-اق، ول قازاقستاندىقتاردى اقساي، قىزىلتاپ، ارالتاپ، پەپەل، كەنتۋبەك جانە باسقا دا ەلدى مەكەندەرگە كومەك كورسەتۋگە شاقىردى.
