استانادا تۇنگى كلۋبتا ارانداتۋشىلىق سيپاتتاعى بەينەروليكتەر ءتۇسىرىپ، ولاردا بەيادەپ سۇراقتار قويىپ، بالاعات سوزدەر ايتقان 33 جاستاعى بلوگەر ۇستالدى، دەپ حابارلايدى "ادىرنا" ۇلتتىق پورتالى Tengrinews.kz-كە سىلتەپ.
ەر ادام كوڭىل كوتەرۋ ورنىنىڭ ارت-ديرەكتورى بولىپ جۇمىس ىستەپ، سونىمەن قاتار بلوگ جۇرگىزگەن. قارالىم جيناۋ ءۇشىن ول كەلۋشى قىزدارعا ءتيىسىپ، ينتيمدىك سيپاتتاعى ادەپسىز سۇراقتار قويىپ، ولاردى كامەراعا تۇسىرە وتىرىپ اشىقتان-اشىق قورلاعان. ۆيدەولاردا بالاعات سوزدەر ايتىلعان، ال بلوگەردىڭ ارەكەتى اينالاسىنداعىلاردى ادەيى قورلاۋ رەتىندە باعالانۋى مۇمكىن.
جاريالانعان روليكتەر الەۋمەتتىك جەلىلەردە تەز تاراپ، قالا تۇرعىندارىنىڭ اشۋ-ىزاسىن تۋعىزدى. پايدالانۋشىلار اۆتوردى ادامدارعا قۇرمەتسىزدىگى ءۇشىن جازالاۋدى تالاپ ەتتى.
ەر ادام ۇستالدى. سوت ونى قوعامدىق ورىنداردا بالاعات سوزدەر ايتقانى، قوعامدىق ءتارتىپتى ورەسكەل بۇزعانى جانە قوعامعا اشىقتان-اشىق قۇرمەتسىزدىك تانىتقانى ءۇشىن 15 تاۋلىككە اكىمشىلىك قاماۋعا الۋ تۋرالى شەشىم شىعاردى.
سوت وتىرىسى كەزىندە بلوگەردىڭ ايىپپۇل تولەۋگە سۇراعان ءوتىنىشى قاناعاتتاندىرىلمادى.
