Qazaqstandyq bloger esektı jolaqtarmen boiap, ony zebraǧa ūqsatpaq bolǧan videosymen jelıde synǧa ūşyrady, dep habarlaidy "Adyrna" ūlttyq portaly Stan.kz-ke sıltep.
Avtordyŋ özı jariialaǧan beinejazbada blogerdıŋ esektı qara-aq jolaqtarmen boiap jatqan sätı körsetılgen. Būl video äleumettık jelı qoldanuşylary arasynda keŋınen talqylanyp, köpşılıktıŋ narazylyǧyn tudyrdy.
İnternet qoldanuşylary mūndai ärekettı januarǧa qatygezdık dep baǧalap, boiaudyŋ qūramyndaǧy himiialyq zattardyŋ januar densaulyǧyna ziian keltıruı mümkın ekenın atap öttı. Keibır pıkır ielerı boiau qūramynda ksilol, metilasetat nemese butanol sekıldı qauıptı erıtkışter bar ekenın eskerttı.
Köptegen qazaqstandyqtar blogerdıŋ ısın aiyptap, januarlardy qorǧau zaŋnamasy boiynşa jauapqa tartudy talap ettı. Olar e-Otinish platformasy arqyly şaǧym joldauǧa niettı ekenın jetkızdı.
