تۇركيانىڭ باتىسىندا سوڭعى 48 ساعات ىشىندە ەكىنشى رەت جەر سىلكىنىسى بولدى، دەپ حابارلايدى «ادىرنا» ءتىلشىسى.
توتەنشە جاعداي 27 قازان كۇنى جەرگىلىكتى ۋاقىتپەن 22:48-دە ( استانا ۋاقىتىمەن 00:48 – رەد.) بالىكەسير پروۆينتسياسىندا تىركەلگەن.
«جەر سىلكىنىسىنىڭ ماگنيتۋداسى 6,1, ەپيتسەنترى بالىكەسير پروۆينتسياسىنىڭ سىندىرعى قالاسىنىڭ ماڭىندا بولدى. جەر ءدۇمپۋىنىڭ تەرەڭدىگى — شامامەن 5,9 شاقىرىم»،—دەپ ءتۇسىندىردى سەيسمولوگتار.
دۇمپۋلەر ىستامبۇلدىڭ باتىس ايماقتارىندا دا سەزىلگەن. 22:50-دە (استانا ۋاقىتىمەن 00:50 — رەد.) شامامەن 30 سەكۋندتاي جەر سىلكىنگەن.
تۇركيانىڭ ىشكى ىستەر مينيسترلىگى قازا تاپقانداردىڭ جوق ەكەنىن جازدى. الايدا بالىكەسيردە ءۇش ءۇي مەن ءبىر دۇكەن قيراعان.
بۇعان دەيىن ەلدىڭ توتەنشە جاعدايلار باسقارماسى ىستامبۇل ماڭىنداعى قارا تەڭىزدە 3,7 باللدىق جەر سىلكىنىسى بولعانىن حابارلاعان ەدى. جەر استى دۇمپۋلەرى 26 قازان كۇنى استانا ۋاقىتىمەن 21:44-تە تىركەلگەن.
