الماتى قالاسىنىڭ توتەنشە جاعدايلار دەپارتامەنتى (تجد) جەر سىلكىنىسىنىڭ وشاعى رەتىندە يسپانيانى كورسەتىپ، تەك رەسمي دەرەكتەرگە سەنۋدى سۇرايدى، دەپ حابارلايدى “ادىرنا” ۇلتتىق پورتالى قازتاگقا سىلتەمە جاساپ.
«جەر سىلكىنىسىنىڭ كوورديناتتارى س.ە. بويىنشا 41,22°. ب.ب. بويىنشا 1,78°" – دەلىنگەن سەيسەنبىگە قاراعان ءتۇنى ساعات 00.30-دا الماتى قالالىق توتەنشە جاعدايلار دەپارتامەنتىنىڭ ءباسپاسوز قىزمەتى جاريالانعان حابارلامادا – بۇل حابارلاما قالا تۇرعىندارىنىڭ ءوزى عالامتوردا جەر سىلكىنىسى تۋرالى جازا باستاعاننان كەيىن جارتى ساعاتتاي ۋاقىت وتكەن سوڭ جاريالاندى.
حاباردا ايتىلعانداي، جەر سىلكىنىسىنىڭ وشاعى «الماتىدان وڭتۇستىك-شىعىسقا قاراي 264 شاقىرىمدا قازاقستان مەن قىرعىزستان شەكاراسىندا» ورنالاسقان.
ناقتىلانعان مالىمەتتەر بويىنشا ەپيتسەنتردىڭ كوورديناتتارى 41.22° س. ە. 78.65° ش. ب.
دەگەنمەن كورسەتىلگەن كوورديناتتار يسپانيا اۋماعىنا قاتىستى جانە بەلگىلەنگەن نۇكتە بارسەلوناعا جاقىن تەڭىزدە ورنالاسقان.
ءبىر قىزىعى، بۇل رەتتە توتەنشە جاعدايلار قىزمەتى تەك رەسمي اقپاراتقا سەنۋگە شاقىرادى.
بۇعان دەيىن توتەنشە جاعدايلار دەپارتامەنتى الماتى تۇرعىندارى 4 باللدىق جەر استى دۇمپۋلەرىن سەزىنگەنىن حابارلاعان. كەيىن الماتىداعى جەراستى دۇمپۋلەرىنىڭ كۇشى شىن مانىندە 5 بالل بولعانى بەلگىلى بولدى.
“ادىرنا” ۇلتتىق پورتالى
