مەملەكەت باسشىسى تۇركيا پرەزيدەنتىنە كوڭىل ايتۋ جەدەلحاتىن جولدادى. بۇل تۋرالى اقوردانىڭ ءباسپاسوز قىزمەتى حابارلادى، دەپ جازادى "ادىرنا" ۇلتتىق پورتالى.
قاسىم-جومارت توقاەۆ رەجەپ تايپ ەردوعانعا جولداعان جەدەلحاتىندا ىستانبۇل قالاسىنداعى جانتۇرشىگەرلىك لاڭكەستىك ارەكەتتىڭ سالدارىنان جازىقسىز ادامداردىڭ قۇربان بولعانى تۋرالى حاباردى تەرەڭ كۇيزەلىسپەن قابىلداعانىن جەتكىزدى.
– وسىنداي قيىن ساتتە باۋىرلاس تۇرىك ازاماتتارىنىڭ قايعىسىنا شىن نيەتىمىزبەن ورتاقتاسا وتىرىپ، Cىزگە جانە جاقىندارىنان ايىرىلعان وتباسىلارعا قازاقستان حالقىنىڭ جانە جەكە ءوزىمنىڭ اتىمنان كوڭىل ايتامىن، – دەپ جازىلعان جەدەلحاتتا.پرەزيدەنت قازا تاپقانداردىڭ جانى ءجانناتتا بولۋىنا جانە زارداپ شەككەندەردىڭ تەزىرەك ساۋىعىپ كەتۋىنە تىلەكتەستىك ءبىلدىردى.
"ادىرنا" ۇلتتىق پورتالى
ۇقساس جاڭالىقتار
