بۇگىن مەملەكەت باسشىسى قاسىم-جومارت توقاەۆ رەسەي پرەزيدەنتى ۆلاديمير پۋتينمەن تەلەفون ارقىلى سويلەستى، دەپ حابارلايدى "ادىرنا" ۇلتتىق پورتالى.
كەزدەسۋ بارىسىندا قازاقستان پرەزيدەنتىنىڭ رەسەي فەدەراتسياسىنا جوسپارلانعان مەملەكەتتىك ساپارىنا دايىندىق ماسەلەسى تالقىلانعان.
تاراپتار ماسكەۋدە وتەتىن كەلىسسوزدەردىڭ ەكى ەل اراسىنداعى ستراتەگيالىق سەرىكتەستىك پەن وداقتاستىق قاتىناستاردى دامىتۋ تۇرعىسىنان ەرەكشە ماڭىزعا يە ەكەنىن اتاپ ءوتتى.
اڭگىمە بارىسىندا سونىمەن قاتار الەمدىك احۋالدىڭ بىرقاتار وزەكتى اسپەكتىلەرى ءسوز بولعانى ايتىلدى.
قازاقستان پرەزيدەنتى جوسپار بويىنشا 12 قاراشادا ماسكەۋگە مەملەكەتتىك ساپارمەن بارۋى كەرەك.
ۇقساس جاڭالىقتار
