رەسەي فەدەراتسياسىنىڭ پرەزيدەنتى ۆلاديمير پۋتين تۋىسى اننا تسيۆيلەۆانى جاڭا قىزمەتكە تاعايىندادى، دەپ حابارلايدى "ادىرنا" ۇلتتىق پورتالى.
ەندى اننا تسيۆيلەۆا رەسەي فەدەراتسياسى قورعانىس ءمينيسترىنىڭ ورىنباسارى-مەملەكەتتىك حاتشى قىزمەتتەرىن اتقارادى. ءتيىستى جارلىق رەسەيدىڭ قۇقىقتىق اقپاراتتىق رەسمي پورتالىندا جاريالاندى.
رەسەي پرەزيدەنتى وسى جىلدىڭ 17 ماۋسىمىندا-اق اننا تسيۆيلەۆا رەسەي فەدەراتسياسى قورعانىس ءمينيسترىنىڭ ورىنباسارى قىزمەتىنە تاعايىنداعان. ول اسكەري قىزمەتشىلەردى الەۋمەتتىك جانە تۇرعىن ۇيمەن قامتاماسىز ەتۋدى ۇيىمداستىرۋ، سونداي-اق "وتان قورعاۋشىلار" مەملەكەتتىك قورىمەن ءوزارا ءىس-قيمىل جاساۋ ماسەلەلەرىنە جاۋاپ بەردى.
ەندى ۇكىمەتتىڭ ستاتس-حاتشىنىڭ نەگىزگى مىندەتتەرى - مينيسترلىكتىڭ زاڭنامانى وزگەرتۋ جونىندەگى ۇسىنىستارىن دايىنداۋ. بۇدان باسقا، ولار جاڭا زاڭ جوبالارى بويىنشا پرەزيدەنت پەن ۇكىمەتتىڭ ۇستانىمىن ازىرلەۋگە جاردەمدەسەدى. قاجەت بولعان جاعدايدا مەملەكەتتىك حاتشى وتىرىستا پرەزيدەنتتىڭ نەمەسە ۇكىمەتتىڭ ۇستانىمىن بىلدىرە الادى.
ايتا كەتەيىك، 2001 جىلدان 2024 جىلدىڭ 17 ماۋسىمىنا دەيىن رف قورعانىس ءمينيسترىنىڭ ورىنباسارى-حاتشى قىزمەتىن نيكولاي پانكوۆ اتقارىپ كەلدى.
