رەسەي پرەزيدەنتى ۆلاديمير پۋتين 26 ناۋرىزدا ءىرى كاسىپكەرلەرمەن جابىق كەزدەسۋدە بيۋدجەتكە ەرىكتى جارنالار ەنگىزۋ ارقىلى ۋكرايناعا قارسى سوعىستى قارجىلاندىرۋدى ۇسىندى. بۇل تۋرالى The Bell دەرەككوزىنە سىلتەمە جاساپ جاريالادى، دەپ حابارلايدى "ادىرنا".
كەزدەسۋ بارىسىندا پۋتين رەسەي ونەركاسىپشىلەر مەن كاسىپكەرلەر وداعىنىڭ سەزى شەڭبەرىندە سوعىستى جالعاستىرۋ جانە رەسەي اسكەرىن دونەتسك وبلىسىنىڭ اكىمشىلىك شەكاراسىنا دەيىن جەتەلەۋ نيەتىن بىلدىرگەن. كەيىن ول كاسىپكەرلەرگە بيۋدجەتكە ەرىكتى جارنالار ەنگىزۋدى ۇسىنعان. The Bell دەرەككوزى ءپۋتيننىڭ ءسوزىن «سوعىستى جالعاستىرامىز» جانە «دونباسس شەكاراسىنا دەيىن جەتەمىز» دەپ سيپاتتاعان.
باستامانى «روسنەفت» كومپانياسىنىڭ باسشىسى يگور سەچين كوتەرگەنى حابارلاندى. ول كەزدەسۋدەن ءبىر كۇن بۇرىن پۋتينگە ەل ءۇشىن قيىن كەزەڭدە بيزنەستى ىنتالاندىرۋ يدەياسىن ايتىپ، حات جولداعان. قارجىنى تارتۋ مەحانيزمى رەتىندە اسكەري وبليگاتسيالاردى شىعارۋ ۇسىنىلعان.
ەكى دەرەككوزدىڭ ايتۋىنشا، كاسىپكەر سۇلەيمان كەريموۆ بىردەن كەلىسىپ، بيۋدجەتكە 100 ملرد رۋبل سالۋعا ۋادە بەرگەن. باسقا ءبىر ءىرى كاسىپكەر دە ءپۋتيننىڭ ۇسىنىسىن قولداعان.
