تۇركىستان قالاسىندا تولىق جاڭعىرتۋدان وتكەن «پاراسات» ساياباعى جۇرتشىلىققا ەسىگىن اشتى. سالتاناتتى شاراعا ارنايى قاتىسقان تۇركىستان وبلىسىنىڭ اكىمى نۇرالحان كوشەروۆ كوپشىلىكتى قۇتتىقتاپ، جىلى لەبىزىن ءبىلدىردى.
– الدىمەن، بارشاڭىزدى كەلە جاتقان رەسپۋبليكا كۇنىمەن شىن جۇرەكتەن قۇتتىقتايمىن! ەلىمىزدەگى ەڭ ۇلىق مەرەكە قارساڭىندا تۇركىستاندا تاعى ءبىر قۋانىشتى ساتتە جولىعىپ تۇرمىز. بيىل مەملەكەت باسشىسىنىڭ باستاماسىمەن تۇركىستان قالاسىنىڭ ەرەكشە مارتەبەسى تۋرالى زاڭ قابىلداندى. وسى زاڭ اياسىندا تۇركىستانعا قولداۋ كۇشەيتىلىپ، شاھاردىڭ تۋريستىك الەۋەتى ارتۋدا. سونىڭ ايقىن كورىنىسى – جاڭارعان «پاراسات» ساياباعى. اتالعان ساياباقتى قايتا رەكونسترۋكتسيالاۋ جۇمىستارى 2023 جىلى باستالىپ، بۇگىندە تولىق جاڭارتىلىپ، ەل يگىلىگىنە بەرىلىپ وتىر. جاڭارعان ساياباق قالا تۇرعىندارى مەن قوناقتارىنا ساپالى قىزمەت كورسەتە بەرسىن! – دەگەن وبلىس باسشىسى حالىققا قولايلى ورتا جاساۋ باعىتىنداعى جۇمىستار ءوز جالعاسىن تاباتىنىن جەتكىزدى.
نۇرالحان ورالبايۇلى ساياباقتاعى فۋتبول الاڭشاسىندا جاسوسپىرىمدەرمەن كەزدەسىپ، جاس سپورتشىلارعا دوپتار تابىستادى. ساياباق اۋماعىن ارالاپ كوردى.
«پاراسات» ساياباعىن رەكونسترۋكتسيالاۋ جۇمىستارىن تۇركىستان قالاسى اكىمدىگى قۇرىلىس ءبولىمىنىڭ تاپسىرىسىمەن ء«ونىم» جشس اتقاردى. جالپى اۋماعى 14 گەكتاردى قامتيتىن ساياباقتا تۇرعىنداردىڭ قاۋىپسىز ءارى جايلى دەمالىسى ءۇشىن بارلىق جاعداي جاسالعان. مۇندا 2 مىڭنان استام اعاش وتىرعىزىلىپ، زاماناۋي جارىقشامدار مەن 100-دەن استام ورىندىق ورناتىلدى. 7 مىڭ شارشى مەتر اۋماققا اسفالت توسەلىپ، بالالارعا ارنالعان ويىن الاڭشالارى، فۋتبول، باسكەتبول جانە تەننيس الاڭدارى، ۆەلوجولاقتار مەن جاياۋ جۇرگىنشىلەرگە ارنالعان جولدار، سونداي-اق، جازعى ساحنا مەن دەمالىس ايماقتارى قاراستىرىلعان. سالتاناتتى شارا كونتسەرتتىك باعدارلاماعا ۇلاسىپ، تۇرعىندارعا مەرەكەلىك كوڭىل-كۇي سىيلادى.
