الماتى قالاسىنىڭ اكىمى دارحان ساتىبالدى 22 قازاندا جۇمىس ساپارى اياسىندا بۇرىن قازاقستان پرەزيدەنتىنىڭ رەزيدەنتسياسى ورنىنا سالىنىپ جاتقان جاڭا ساياباقتىڭ قۇرىلىس بارىسىمەن تانىسقان بولاتىن.
قالالىق اكىمدىكتىڭ ءباسپاسوز قىزمەتىنىڭ حابارلاۋىنشا، نىساننىڭ دايىندىعى 97 پايىزدى قۇراعان. ال اشىلۋ سالتاناتى رەسپۋبليكا كۇنىنە (25 قازان) وراي وتەتىنى حابارلانعان.
الايدا، ساياباقتىڭ اشىلعانى تۋرالى رەسمي اقپارات ايتىلمادى. الەۋمەتتىك جەلىدە ساياباقتىڭ ۆيدەوسى تارادى. پىكىر بولىمىندە كەيبىر تۇرعىندار بارعانىن جازسا، ەندى كەيبىرەۋلەرى ساياباقتىڭ جابىق تۇرعانىمەن بولىسكەن. 
سونداي-اق، جۋرناليست، جازۋشى ماقسات مالىك Facebook پاراقشاسىندا ساياباقتىڭ ۆيدەوسىمەن ءبولىسىپ، رەزيدەنتسيا عيماراتىنىڭ تەك ءبىر قابىرعاسى قالعانىن كورسەتكەن. ول قابىرعا جانىنا قاڭتار وقيعاسىنان قالعانىن بىلدىرەتىن تاقتايشا ورناتۋ كەرەك ەكەنىن ايتقان.
ەسكە سالا كەتەيىك، 2022 جىلى قاڭتار وقيعاسى كەزىندە پرەزيدەنت رەزيدەنتسياسى عيماراتى قاتتى زاقىمدانعان بولاتىن. سول جىلى ناۋرىزدا مەملەكەت باسشىسى قاسىم-جومارت توقاەۆ رەزيدەنتسيانى بۇزىپ، ونىڭ ورنىنا ساياباق سالۋ تۋرالى شەشىم قابىلداعان ەدى.
