الماتىداعى وقۋ پوليگونىندا وتكەن جاتتىعۋ كەزىندە اسكەري قىزمەتكەر ءوز اياعىنا وق اتقان، دەپ حابارلايدى "ادىرنا" ۇلتتىق پورتالى.
بۇل اقپاراتتى ۇلتتىق ۇلان ءباسپاسوز قىزمەتى راستادى.
الدىن الا مالىمەتكە سايكەس، سارباز قاۋىپسىزدىك تالاپتارىن بۇزعان.
وقيعا13 قاڭتار كۇنى ساعات 15:05 شاماسىندا 5571 اسكەري ءبولىمنىڭ جەكە قۇرامىمەن جاۋىنگەرلىك دايىندىق اياسىندا وقۋ اتىسى كەزىندە بولعان.
“قاۋىپسىزدىك شارالارىن ساقتاماۋ سالدارىنان 2–2025 شاقىرىلىمىنىڭ مەرزىمدى اسكەري قىزمەتكەرى، قاتارداعى گ، اك-74 اۆتوماتى ارقىلى سول جاق اياعىنا جاناي وق تيگىزىپ، وزىنە جاراقات سالدى. وقيعا ورنىندا وعان قاجەتتى مەديتسينالىق كومەك كورسەتىلىپ، كەيىن شۇعىل تۇردە قوناەۆ قالاسىنداعى قالالىق اۋرۋحاناعا جەتكىزىلدى. اسكەري قىزمەتكەردىڭ جاعدايى قاناعاتتانارلىق، ومىرىنە قاۋىپتى مۇشەلەر زاقىمدانباعان”، – دەپ حابارلادى ۆەدومستۆودان.
قازىرگى ۋاقىتتا وقيعانىڭ سەبەپتەرى مەن ءمان-جايى انىقتالۋدا. بۇل دەرەك بويىنشا قىزمەتتىك تەكسەرىس جۇرگىزىلىپ جاتىر.
