قاسىم-جومارت توقاەۆ بەلارۋس پرەزيدەنتى الەكساندر لۋكاشەنكونىڭ مالىمدەمەسىنە جاۋاپ بەردى. بۇل تۋرالى اقوردا جاريالادى، دەپ حاباردايدى “ادىرنا” ۇلتتىق پورتالى.
“بەلارۋس رەسپۋبليكاسىنىڭ پرەزيدەنتى الەكساندر گريگورەۆيچ لۋكاشەنكو قازاقستانعا وداق مەملەكەتىنە قوسىلۋدى ۇسىندى. مەن ونىڭ ازىلىنە جوعارى باعا بەردىم. مەنىڭشە، بۇل بىزگە قاجەت ەمەس. ويتكەنى باسقا ينتەگراتسيالىق بىرلەستىكتەر، ءبىرىنشى كەزەكتە ەۋرازيالىق ەكونوميكالىق وداق بار.
يادرولىق قارۋعا كەلەتىن بولساق، ونىڭ بىزگە كەرەگى جوق. ويتكەنى ءبىز يادرولىق قارۋدى تاراتپاۋ تۋرالى جانە يادرولىق قارۋدى سىناۋعا تىيىم سالۋ تۋرالى شارتقا قوسىلدىق. ءبىز وسى حالىقارالىق قۇجاتتار بويىنشا ءوز مىندەتتەمەلەرىمىزگە بەرىك بولامىز».
ايتا كەتەيىك، بۇعان دەيىن قاسىم-جومارت توقاەۆ ماسكەۋدە وتكەن "كوپپوليارلى الەمدەگى ەۋرازيالىق ينتەگراتسيا" فورۋمىندا سويلەگەن سوزىندە ەۋرازيالىق ەكونوميكالىق وداقتىڭ ءوز ىشىندە ينتەگراتسيانىڭ قوس مودەلى قالىپتاسقانىن، سونداي-اق قازاقستان، قىرعىزستان، ارمەنيا ۇستانعان باعىتپەن ساناسۋ كەرەكتىگىن ايتقان بولاتىن.
ودان كەيىن لۋكاشەنكو قازاقستاندى رەسەي مەن بەلارۋس وداعىنا كىرۋگە شاقىردى.
"ەگەر، قازاقستان مەن باسقا دا ەلدەردىڭ رەسەيمەن تىعىز قارىم-قاتىناس ورناتۋىنا ەشكىم قارسى بولماسا، بۇل وپ-وڭاي جانە قاراپايىم! رەسەي مەن بەلارۋس وداعىنا كىرۋ كەرەك. سوندا بارىندە يادرولىق قارۋ بولادى", - دەگەن بولاتىن ۆلاديمير لۋكاشەنكو.
