18 ساۋىردەن باستاپ شەتەل ازاماتتارىنا جەكە سايكەستەندىرۋ ءنومىرىن (جسن) راسىمدەۋ بويىنشا پيلوتتىق جوبا قايتا ىسكە قوسىلادى، دەپ حابارلايدى “ادىرنا” ۇلتتىق پورتالى.
قازاقستاننىڭ شەتەلدەگى مەكەمەلەرى ارقىلى جسن الۋ جاڭا بەكىتىلگەن الگوريتم بويىنشا مىنا ساناتتاعى شەتەل ازاماتتارى ءۇشىن مۇمكىن بولادى:
- قازاقستانعا ينۆەستيتسيا سالۋعا نيەتتى تۇلعالار;
- تاۋارلاردى تاڭبالاۋ جانە قاداعالاۋ جۇيەسىنە قاتىسۋشىلار;
- قازاقستان ازاماتىمەن نەكەدە تۇرعان شەتەل ازاماتتارى (نەكەنى احاج جۇيەسىنە تىركەۋ ءۇشىن);
- ءبىر اتا-اناسى قازاقستان ازاماتى بولىپ تابىلاتىن، 16 جاسقا دەيىنگى شەتەل ازاماتتارىنىڭ بالالارى;
- قازاقستاندا مۇراگەرلىك راسىمدەيتىن شەتەل ازاماتتارى;
- Digital Nomad Residency جانە Digital Nomad Visa باعدارلامالارىنا قاتىسقىسى كەلەتىندەر;
- مۇگەدەكتىگى بار شەتەل ازاماتتارى;
- 65 جاستان اسقان شەتەل ازاماتتارى;
- وسىمدىكتەردى قورعاۋ قۇرالدارىن (پەستيتسيدتەر) وندىرۋشىلەر مەن تىركەۋشىلەر;
- قازاقستاندا تىركەلگەن زاڭدى تۇلعالار، فيليالدار نەمەسە وكىلدىكتەردىڭ باسشىلارى بولىپ تابىلاتىن شەتەل ازاماتتارى.
