بۇگىن تۇركىستان قالاسىنىڭ اكىمى كەزەكتى كوشپەلى كەزدەسۋلەر اياسىندا ازىمبەك پازىلبەكۇلى ساۋران سەكتورىنىڭ تۇرعىندارىمەن كەزدەستى.
كەزدەسۋ بارىسىندا قالا باسشىسى 2024 جىلى تۇرعىندار تاراپىنان كوتەرىلگەن ماسەلەلەردىڭ ورىندالۋ بارىسى جانە سەكتور اۋماعىندا اتقارىلىپ جاتقان جۇمىستار جايىندا باياندادى. سونىمەن قاتار، الداعى كەزەڭگە جوسپارلانعان جوبالارمەن تانىستىرىپ، تۇرعىندارمەن اشىق ديالوگ ورناتتى.
جيىن بارىسىندا جەرگىلىكتى تۇرعىندار جول ساپاسى مەن قاۋىپسىزدىگى، تۇرعىن ءۇي اۋلالارىنىڭ تازالىعى، ويىن الاڭشالارى مەن قوعامدىق كولىك قاتىناسى، ينفراقۇرىلىم ساپاسى سىندى ماسەلەلەردى كوتەردى. ازىمبەك پازىلبەكۇلى تۇرعىنداردىڭ بارلىق سۇراقتارىنا جاۋاپ بەرىپ، ءتيىستى سالا باسشىلارىنا ناقتى تاپسىرمالار بەردى.
ساۋران سەكتورىندا ينفراقۇرىلىمدىق جوبالار جۇيەلى تۇردە كەزەڭ-كەزەڭىمەن جۇزەگە اسىرىلۋدا. قازىرگى تاڭدا ا.جانگەلدين كوشەسىندە جاڭا ويىن الاڭشاسىن سالۋ، ب.مايلين كوشەسىندەگى اينالما جولدا ماف ورناتۋ، سونداي-اق №1,2 مولتەك اۋدانداردا اۋلالىق اۋماقتاردى اباتتاندىرۋ، ويىن الاڭشالارىن اعىمداعى جوندەۋ جانە جارىق شامدارىن رەتكە كەلتىرۋ جۇمىستارى جۇرگىزىلۋدە.
سونداي-اق، و.جارىلقاپوۆ كوشەسىندە جول بەلگىلەرىن ورناتۋ، ءال-فارابي كوشەسىندە جول جوندەۋ جۇمىستارى تولىعىمەن اياقتالسا، ەنەرگەتيكتەر كوشەسىندە اۋلاىشىلىك اباتتاندىرۋ جۇمىستارى باستاۋ الدى.
سونىمەن قاتار، سەكتورداعى جاڭادان قونىستانعان تۇرعىن ۇيلەرگە سۋ جۇيەلەرىن تارتۋ جانە قايتا قۇرۋ بويىنشا 2-كەزەك جوباسى ازىرلەنۋ ۇستىندە. اتالعان نىساننىڭ قۇرىلىس جۇمىستارىن 2026 جىلى باستاۋ جوسپارلانىپ وتىر.
كەزدەسۋ سوڭىندا قالا اكىمى تۇرعىنداردى جەكە ماسەلەلەرى بويىنشا قابىلداپ، ارىز-شاعىمىن تىڭدادى.
ايتا كەتەيىك، ازىمبەك پازىلبەكۇلىنىڭ حالىقپەن كەزدەسۋى بۇگىن، 28 مامىر كۇنى 15:00دە - ساندىباەۆ كوشەسىندەگى №18 مەكتەپتە، ەرتەڭ، 29 مامىر كۇنى ساعات 10:00دە- مادەني رۋحاني ورتالىقتا ورنالاسقان «ۇلى-دالا ورتالىعى» كەشەنىندە، 15:00دە- ءاىو-عى 9-شى كوشە بويىندا ورنالاسقان №33 مەكتەپتە جالعاسادى.
ۇقساس جاڭالىقتار
