تۇرعىندار ءۇشىن قولايلى ورتا قالىپتاستىرۋ ماقساتىندا قالا اكىمى ازىمبەك پازىلبەكۇلىنىڭ تاپسىرماسىنا سايكەس بالالار مەن جاسوسپىرىمدەردىڭ سپورتپەن شۇعىلدانۋىنا ارنالعان جاڭا 9 ويىن جانە سپورت الاڭشالارى سالىنىپ، حالىق يگىلىگىنە بەرىلدى.
وسىعان دەيىن قالا باسشىسىنىڭ حالىقپەن كەزدەسۋىندە تۇرعىندار تاراپىنان ويىن الاڭشالارىن سالۋ تۋرالى ۇسىنىس-پىكىرلەر ايتىلعان بولاتىن. تۇرعىنداردىڭ شاعىمىن ەسكەرە وتىرىپ، قاجەتتى ورىنداردا، اتاپ ايتقاندا قازاقباق، التاي، م.ابەنوۆا، ا.جانگەلدين، مۇعالجار، ش.ءۋاليحانوۆ، ر.داستانوۆا كوشەلەرىندە ويىن الاڭشالارى، سونداي-اق حاقنازار حان مەن ش.نيازوۆ كوشەلەرىندە فۋتبول الاڭشالارى بوي كوتەردى.
قۇرىلىسى اعىمداعى جىلدىڭ اقپان ايىندا باستالعان الاڭشالار بۇگىندە تولىق اياقتالعان. بارلىق جۇمىستار ساپا ستاندارتتارى مەن قاۋىپسىزدىك تالاپتارىنا ساي جابدىقتالعان.
سونىمەن قاتار، اۋماقتار اباتتاندىرىلىپ، جاسىل جەلەكپەن كومكەرىلىپ، تۇرعىنداردىڭ قاۋىپسىزدىگى مەن قولايلىلىعى ءۇشىن ينجەنەرلىك ينفراقۇرىلىم دا قاراستىرىلعان.
ايتا كەتەيىك، بۇگىندە تۇركىستان قالاسى اۋماعىندا جالپى 250-گە جۋىق ويىن جانە سپورت الاڭشاسى قولدانىستا.
ۇقساس جاڭالىقتار
