اتىراۋ وبلىسىندا سۋ تاسقىنىنان زارداپ شەككەندەرگە كومەك كورسەتۋ ءۇشىن اسكەري قىزمەتشىلەر كومەككە جىبەرىلدى، دەپ حابارلايدى "ادىرنا" ۇلتتىق پورتالى.
بۇل تۋرالى قورعانىس مينيسترلىگى حابارلادى.
سۋ تاسقىنى سالدارىنان جىلىوي اۋدانىندا جاعداي ءالى دە قيىن ەكەنى ايتىلۋدا.
بۇگىن اتىراۋ وبلىسىنا سۋ تاسقىنىنىڭ الدىن الۋعا، حالىققا قول ۇشىن سوزىپ، قاۋىپسىز جەرگە كوشىرۋ ءۇشىن قورعانىس مينيسترلىگىنىڭ 300-دەن استام اسكەري قىزمەتشىسى كومەككە جىبەرىلدى.
اتىراۋ وبلىسىنىڭ قۇلسارى قالاسىندا جاعداي قيىن. قالادا تۇرعىندارى سۋعا كەتكەن ۇيلەرىنە الىستان قاراپ، باقىلاۋدا.
رەسمي دەرەكتەرگە سۇيەنسەك، قۇلسارىدا 31 شاعىن اۋداننىڭ 10 شاقتىسىن، 2 600 ءۇيدى سۋ باسقان.
