ۆەنەسۋەلالىق وپپوزيتسيا جەتەكشىسى ماريا كورينا ماچادو 2025 جىلعى نوبەل بەيبىتشىلىك سىيلىعىنىڭ يەگەرى اتاندى. ول بۇل ماراپاتتى ءوز حالقى مەن اقش-تىڭ پرەزيدەنتى دونالد ترامپقا ارنادى، دەپ حابارلايدى "ادىرنا" ۇلتتىق پورتالى.
ماچادو «بۇل سىيلىقتى ۆەنەسۋەلانىڭ ازاپ شەگىپ جاتقان حالقىنا جانە ءبىزدىڭ ىسىمىزگە شەشۋشى قولداۋ كورسەتكەن پرەزيدەنت ترامپقا ارنايمىن»، – دەپ جازدى X الەۋمەتتىك جەلىسىندە.
ايتا كەتەيىك، ماچادو – ۆەنەسۋەلادا اۆتوريتارلىق بيلىككە قارسى كۇرەسىپ جۇرگەن وپپوزيتسيا وكىلى. 2024 جىلى ەلدىڭ سوتى ونى پرەزيدەنتتىك سايلاۋعا ءتۇسۋ قۇقىعىنان ايىرعان. سوعان قاراماستان، ول دەموكراتيا مەن ەركىن سايلاۋ ءۇشىن كۇرەسىن جالعاستىرىپ كەلەدى.
نوبەل كوميتەتى ونىڭ «ديكتاتۋرا جاعدايىندا ەركىندىك ءۇشىن كۇرەستەگى باتىلدىعىن» اتاپ ءوتتى. ال اقش پرەزيدەنتى دونالد ترامپ ۆەنەسۋەلا باسشىسى نيكولاس مادۋرونى ۇزاق جىلدار بويى سىناپ كەلەدى جانە ونىڭ بيلىگىن زاڭسىز دەپ تانيتىن ەلدەردىڭ قاتارىندا.
ماچادو نوبەل بەيبىتشىلىك سىيلىعىن العان العاشقى ۆەنەسۋەلالىق جانە لاتىن امەريكاسىنان شىققان التىنشى لاۋرەات اتاندى.
ايتا كەتەيىك، اقش پرەزيدەنتى دونالد ترامپ بۇعان دەيىن ءوزىن بۇل ماراپاتقا لايىقپىن دەپ سانايتىنىن ايتىپ، ء«ۇندىستان مەن پاكىستان اراسىنداعى قاقتىعىسپەن قوسا، جەتى سوعىستى توقتاتتىم» دەگەن ەدى.
