بۇگىن ۇلىتاۋ وبلىسىنىڭ اكىمى داستان رىسپەكوۆ ءوڭىر كاسىپكەرلەرىمەن كەزدەستى. جۇزدەسۋ بارىسىندا ايماق باسشىسى جەرگىلىكتى بيزنەس وكىلدەرىنە ەل ەكونوميكاسىنا قوسىپ جاتقان ۇلەستەرى ءۇشىن العىس ءبىلدىرىپ، الداعى ىستەرىنە ساتتىلىك تىلەدى.
كەزدەسۋ بارىسىندا وبلىس اكىمى كاسىپكەرلەردى وڭىرگە قاجەتتى الەۋمەتتىك جانە ينفراقۇرىلىمدىق جوبالارعا بەلسەنە اتسالىسۋعا شاقىردى. اتاپ ايتقاندا، جەزقازعان قالاسىن اباتتاندىرۋ جۇمىستارىنا قولداۋ ءبىلدىرۋ – باستى نازاردا.
— تۋعان جەرگە جاناشىرلىق تانىتۋ – ءار ازاماتتىڭ پەرزەنتتىك پارىزى. كاسىپكەرلەردىڭ وسى باعىتتاعى بەلسەندىلىگى ءوڭىرىمىزدىڭ وركەندەۋىنە زور سەرپىن بەرەدى، — دەدى ءوڭىر باسشىسى داستان رىسپەكوۆ ءوز سوزىندە.
كەزدەسۋ اشىق پىكىر الماسۋ فورماتىندا ءوتىپ، كاسىپكەرلەر ءوز ۇسىنىستارىن جەتكىزىپ، تۋىنداعان ماسەلەلەر بويىنشا ساۋالدارىن قويدى.
جيىن سوڭىندا وبلىس اكىمى جەزقازعان قالاسىنىڭ اكىمدىگىنە كاسىپكەرلەرمەن قولعا الىنۋى ءتيىس جوبالاردىڭ ەسكيزىن دايىنداۋدى تاپسىردى.
