بۇگىن قازتالوۆ اۋدانىنىڭ اكىمى اسلانبەك سارقۇلوۆ ء№11ورت ءسوندىرۋ ءبولىمىنىڭ ءورت سوندىرۋشى–قۇتقارۋشى مەرجان جانعاليەۆتى قابىلدادى.
30 جاستاعى قۇتقارۋشى 13 ءساۋىر كۇنى ءاجىباي اۋىلىندا 1 جاستاعى ياسمينا ەسىمدى قىز بالانى اجالدان اراشالادى. كەنجيندەر اۋلەتىنىڭ كەنجەسى اۋلاداعى اجەتحاناعا ءتۇسىپ كەتىپ، كورشىسى مەرجان جانعاليەۆ وقيعا ورنىنا جەتىپ، ءسابيدى ءولىم اۋزىنان قۇتقارىپ قالادى. كەزەكتى ەڭبەك دەمالىسىنداعى ءورت ءسوندىرۋشى-قۇتقارۋشى ابايسىزدا اجەتحاناعا ءتۇسىپ كەتكەن ءبۇلدىرشىندى امان-ەسەن الىپ شىعىپ، العاشقى مەديتسينالىق كومەك كورسەتكەن. قازىرگى تاڭدا ءبۇلدىرشىننىڭ دەنساۋلىعى بىرقالىپتى.
اۋدان اكىمى قۇتقارۋشىعا ريزاشىلىعىن ءبىلدىرىپ، العىس حاتپەن ماراپاتتادى.
-ءوز قىزمەتىن ادالىنان اتقارعان مەرجان ميرامۇلىنىڭ ارەكەتى بارشامىزعا ۇلگى. جۇمىس ۋاقىتى بولماسا دا، وزگەنىڭ ءومىرىن الدىڭعى ورىنعا قويىپ، قۇتقارىپ، العاشقى كومەك كورسەتكەنىنە ءبىز بەك قۋانىشتىمىز. ەڭبەگىڭىز ەلەنىپ، قىزمەتىڭىز ارتا بەرسىن!، -دەدى اۋدان اكىمى.
مەرجان ميرامۇلى — بىرىك اۋىلدىق وكرۋگىنە قاراستى ءاجىباي اۋىلىنىڭ تۋماسى. قازاقستان رەسپۋبليكاسى توتەنشە جاعدايلار مينيسترلىگى باتىس قازاقستان وبلىسى توتەنشە جاعدايلار دەپارتامەنتىنىڭ «ءورت ءسوندىرۋ جانە اۆاريالىق-قۇتقارۋ جۇمىستارى قىزمەتى» قر مەملەكەتتىك مەكەمەسىنىڭ ءورت ءسوندىرۋشى-قۇتقارۋشىسى بولىپ قىزمەت اتقارۋدا.