تاجىكستان استاناسى دۋشانبەدە 2030 جىلعا دەيىن ەلەكترساموكات، ەلەكتروسكۋتەر جانە باسقا دا مەملەكەتتىك تىركەۋدەن وتپەگەن جەكە كولىك قۇرالدارىمەن جۇرۋگە تىيىم سالىندى، دەپ حابارلايدى «ادىرنا» ءتىلشىسى.
«بۇل شەشىم ەلەكترساموكاتتار مەن ەلەكتروسكۋتەرلەردىڭ رەتسىز پايدالانىلۋىن جۇيەلەۋ، ولاردىڭ قاتىسۋىمەن بولاتىن جول-كولىك وقيعالارىنىڭ سانىن ازايتۋ، كولىك پەن جاياۋ جۇرگىنشىلەر قوزعالىسىنا كەدەرگى كەلتىرمەۋ، سونداي-اق جول قوزعالىسىنا قاتىسۋشىلاردىڭ قۇقىقتارى مەن مۇددەلەرىن قورعاۋ ماقساتىندا قابىلداندى»، — دەپ مالىمدەدى دۋشانبە قالالىق ىشكى ىستەر باسقارماسى.
شەكتەۋ ارنايى بەلگىلەنگەن ايماقتاردان باسقا قالاداعى بارلىق اۋداندا قولدانىلادى.
ىشكى ىستەر باسقارماسىنىڭ دەرەكتەرىنە سايكەس، جىل باسىنان بەرى دۋشانبە قالاسىندا ەلەكتروسكۋتەرلەر مەن ەلەكترساموكاتتاردىڭ قاتىسۋىمەن 26 جول اپاتى بولعان. سونىڭ سالدارىنان ءۇش ادام قازا تاۋىپ, تاعى 24 ادام جاراقات العان.
