Täjıkstan astanasy Duşanbede 2030 jylǧa deiın elektrsamokat, elektroskuter jäne basqa da memlekettık tırkeuden ötpegen jeke kölık qūraldarymen jüruge tyiym salyndy, dep habarlaidy «Adyrna» tılşısı.
«Būl şeşım elektrsamokattar men elektroskuterlerdıŋ retsız paidalanyluyn jüieleu, olardyŋ qatysuymen bolatyn jol-kölık oqiǧalarynyŋ sanyn azaitu, kölık pen jaiau jürgınşıler qozǧalysyna kedergı keltırmeu, sondai-aq jol qozǧalysyna qatysuşylardyŋ qūqyqtary men müddelerın qorǧau maqsatynda qabyldandy», — dep mälımdedı Duşanbe qalalyq ışkı ıster basqarmasy.
Şekteu arnaiy belgılengen aimaqtardan basqa qaladaǧy barlyq audanda qoldanylady.
Işkı ıster basqarmasynyŋ derekterıne säikes, jyl basynan berı Duşanbe qalasynda elektroskuterler men elektrsamokattardyŋ qatysuymen 26 jol apaty bolǧan. Sonyŋ saldarynan üş adam qaza tauyp, taǧy 24 adam jaraqat alǧan.
