الاياقتىق جاسادى دەگەن كۇدىككە ىلىنگەن «قۇلاگەر» حوككەي كلۋبىنىڭ باسشىسى سەرگەي فيل ۇستالدى، دەپ حابارلايدى "ادىرنا" ۇلتتىق پورتالى.
سولتۇستىك قازاقستان وبلىسى پوليتسيا دەپارتامەنتىنىڭ مالىمەتىنشە، 45 جاستاعى سپورت فۋنكتسيونەرى قاراعاندى قالاسىندا قولعا تۇسكەن.
«استانا قالاسىنىڭ تۇرعىنى ەكى نەمەسە ودان دا كوپ ادامعا قاتىستى الاياقتىق جاسادى دەگەن كۇدىكپەن ۇستالدى. ول ۋاقىتشا ۇستاۋ يزولياتورىنا قامالدى. قازىر قوزعالعان قىلمىستىق ءىس بويىنشا سوتقا دەيىنگى تەرگەۋ جۇرگىزىلۋدە»، – دەپ حابارلادى ۆەدومستۆونىڭ ءباسپاسوز قىزمەتى.
بۇعان دەيىن 24 قىركۇيەكتەن باستاپ سەرگەي فيلمەن بايلانىس ۇزىلگەنى حابارلانعان. كەيىن بىرنەشە رەسەيلىك سپورتشى وعان قارسى ارىز جازعان.
ۇقساس جاڭالىقتار
