الماتى وبلىسىندا 90 ءيتتى اسىراپ، ولارعا قامقورلىق جاساعان ۆلاديمير تەپلياكوۆتىڭ ولىمىنە بايلانىستى كۇدىكتى ەر ادام قولعا ءتۇستى. بۇل تۋرالى 4 قاراشادا الماتى وبلىستىق پوليتسيا دەپارتامەنتىنىڭ ءباسپاسوز قىزمەتى مالىمدەدى، دەپ حابارلايدى “ادىرنا”.
ۆەدومستۆونىڭ حابارلاۋىنشا، كىسى ءولتىرۋ دەرەگى بويىنشا قىلمىستىق ءىس 7 قازاندا تىركەلگەن. جۇرگىزىلگەن جەدەل-ىزدەستىرۋ شارالارى ناتيجەسىندە كۇدىكتىنىڭ جەكە باسى انىقتالىپ، ول ۇستالعان. قازىر كۇدىكتى قاماۋدا وتىر.
پوليتسيا وكىلدەرىنىڭ مالىمەتىنشە، تەرگەۋ امالدارى جالعاسۋدا.
«تەرگەۋ اياسىندا ۇستالعان ادامنىڭ اتالعان قىلمىسقا قاتىسى بار-جوعى تەكسەرىلىپ، وقيعانىڭ بارلىق ءمان-جايى انىقتالىپ جاتىر»، – دەپ حابارلادى ۆەدومستۆو.
اتالعان قىلمىستىق ءىستىڭ تەرگەلۋ بارىسى الماتى وبلىسى پوليتسيا دەپارتامەنتى باسشىلىعىنىڭ ەرەكشە باقىلاۋىنا الىنعان.
