ءانشى، كومپوزيتور ارمان قاينازاروۆتىڭ ولىمىنە قاتىسى بار كۇدىكتى ۇستالدى. بۇل تۋرالى الماتى قالالىق پوليتسيا دەپارتامەنتىنىڭ ءباسپاسوز قىزمەتى مالىمدەدى، دەپ حابارلايدى “ادىرنا”.
اقپاراتقا سايكەس، دەرەك الاتاۋ اۋداندىق پوليتسيا باسقارماسىنا تىركەلىپ، قر قك 106-بابى 3-بولىگى بويىنشا تەرگەۋ جۇرگىزىلىپ جاتقانىن مالىمدەدى.
اتالعان قىلمىستى جاسادى دەگەن كۇدىكتى ءىزىن سۋىتپاي ۇستالدى. ول قاماۋعا الىندى. وقيعانىڭ باسقا دا ءمان-جايى انىقتالىپ جاتىر، - دەپ حابارلادى الماتى قالالىق پوليتسيا دەپارتامەنتىنىڭ ءباسپاسوز قىزمەتى.
ايتا كەتەيىك، وسىدان بىرنەشە اي بۇرىن الەۋمەتتىك جەلىدە اراققا سالىنىپ، كوشەدە تۇنەگەن اقىن ءارى كومپوزيتور ارمان قاينازاروۆتىڭ ۆيدەوسى تارادى. كەيىن ومىردەن وزعانى دا حابارلاندى.
ول 4 قىركۇيەكتە "شاڭىراق" شاعىن اۋدانىنداعى كافە ماڭىندا جىگىتتەرمەن توبەلەسىپ، سول كۇنى جانساقتاۋ بولىمىنە تۇسكەن. كەيىن ونىڭ كوماعا ءتۇسىپ، 19 قىركۇيەكتە كوز جۇمعانى حابارلاندى.
