شىعىس قازاقستان وبلىسىندا كوپپاتەرلى تۇرعىن ءۇي كەشەنىن سالۋ سىلتاۋىمەن 1,8 ملرد تەڭگە كولەمىندەگى قاراجاتتى جىمقىرعاندار ۇستالدى، دەپ حابارلايدى "ادىرنا" ۇلتتىق پورتالى قارجىلىق مونيتورينگ اگەنتتىگىنە سىلتەمە جاساپ.
شىعىس قازاقستان وبلىسى بويىنشا قما دەپارتامەنتى قۇرىلىس كومپانياسىنىڭ توپ-مەنەدجەرلەرىنىڭ زاڭسىز ارەكەتىن توقتاتتى.
ەكى كۇدىكتى وسكەمەن قالاسىندا تۇرعىن ءۇي قۇرىلىسىنا ۇلەستىك قاتىسۋ تۋرالى جالعان كەلىسىمشارتتار جاساپ، 102 ازاماتتى الداعان. شىن مانىندە، بۇل نىسان قۇرىلىسى ۇزاققا سوزىلعان قۇرىلىسقا اينالعان. مەرزىمى بىرنەشە رەت ۇزارتىلعانىنا قاراماستان، تۇرعىن ءۇي كەشەنى سالىنباي قالعان.
ايتا كەتۋ كەرەك، زاڭ تالاپتارىنا قاراماستان، كومپانيا ۇلەسكەرلەردىڭ قاراجاتىن تارتۋعا رۇقسات بەرەتىن قۇجاتتارعا يە بولماعان.
— كۇدىكتىلەر سوت سانكتسياسىمەن قاماۋعا الىنىپ، تەرگەۋ يزولياتورىنا قامالدى. جابىرلەنۋشىلەردىڭ شىعىنىن وتەۋ جانە تاركىلەۋدى قامتاماسىز ەتۋ ماقساتىندا كۇدىكتىلەردىڭ 2,3 ملرد تەڭگە كولەمىندەگى مۇلكىنە تىيىم سالىندى. قپك-ءنىڭ 201-بابىنا سايكەس باسقا مالىمەتتەردى جاريالاۋعا بولمايدى، — دەپ حابارلادى قما وكىلدەرى.
