مىسىردا 6 قازان كۇنى يزرايل مەن حاماس دەلەگاتسيالارىنىڭ كەلىسسوزدەرى وتەدى. كەزدەسۋدە كەپىلگە الىنعان يزرايلدىك ادامدار مەن پالەستينالىق تۇتقىنداردى بوساتۋ ماسەلەسىن ەگجەي-تەگجەيلى تالقىلانادى. بۇل تۋرالى DW باسىلىمى جازدى، دەپ حابارلايدى “ادىرنا”.
اقپاراتقا سايكەس، مىسىر يزرايل مەن پالەستينانىڭ حاماس تەرروريستىك ۇيىمىنىڭ وكىلدەرىن 6 قازاندا اقش پرەزيدەنتى دونالد ترامپتىڭ بەيبىتشىلىك جوسپارى اياسىندا گازا سەكتورىنداعى يزرايلدىك كەپىلگە الىنعان ادامداردى پالەستينالىق تۇتقىندارعا ايىرباستاۋ بويىنشا كەلىسسوزدەر جۇرگىزۋگە شاقىردى.
تىكەلەي ەمەس، جاناما جۇرگىزىلەتىن كەلىسسوزدەر ترامپتىڭ گازا سەكتورىنداعى سوعىس قيمىلدارىن اياقتاۋ جوسپارىن ۇسىنعاننان كەيىن تۋىنداعان "ايماقتىق جانە حالىقارالىق سەرپىندى دامۋعا باعىتتالعان كۇش-جىگەردىڭ ءبىر بولىگى " بولىپ تابىلادى", - دەدى 4 قازاندا كەشكە كايردەگى سىرتقى ىستەر مينيسترلىگى.
كەزدەسۋدىڭ ناقتى قاي جەردە وتەتىنى ناقتىلانبادى. كەلىسسوزدەر شارم-ەش-شەيحتە نەمەسە كايردا ءوتۋى مۇمكىن.
بۇعان دەيىن اقش پرەزيدەنتى دونالد ترامپ ەكى جىلعا جۋىق جالعاسقان سوعىستى توقتاتۋ جونىندەگى ۋلتيماتۋمىن ءىشىنارا قابىلداعان حاماس ارەكەتىن قۇپتاي وتىرىپ، يزرايلدەن گازا سەكتورىن بومبالاۋدى دەرەۋ توقتاتۋدى تالاپ ەتكەن بولاتىن.
