ەلدىڭ سىرتقى ىستەر ءمينيسترى ەرمەك كوشەرباەۆ قىتاي حالىق رەسپۋبليكاسىنا رەسمي ساپارمەن باردى، دەپ حابارلايدى "ادىرنا" ۇلتتىق پورتالى.
رەسمي ساپار اياسىندا بەيجىڭ قالاسىندا قىتايدىڭ سىرتقى ىستەر ءمينيسترى ۆان يمەن كەزدەستى.
كەلىسسوز بارىسىندا تاراپتار ەكىجاقتى ىنتىماقتاستىقتىڭ نەگىزگى باعىتتارىن تالقىلادى. ۆان ي قىتايدىڭ قازاقستانمەن ساۋدا، ينۆەستيتسيا، كولىك، ەنەرگەتيكا جانە عىلىمي-تەحنيكالىق يننوۆاتسيالار سالالارىندا ءوزارا ءىس-قيمىلدى تەرەڭدەتۋگە نيەتتى ەكەنىن اتاپ ءوتتى.
"قىتاي تاراپى شانحاي ىنتىماقتاستىق ۇيىمىنداعى قازاقستاننىڭ بەلسەندى ءرولىن جوعارى باعالايدى", – دەدى ۆان ي.
سونداي-اق، ول قازاقستاننىڭ سىرتقى ىستەر مينيسترىنە قىتاي كوممۋنيستىك پارتياسى ورتالىق كوميتەتىنىڭ 20-شاقىرىلىمداعى 4-پلەنۋمىنىڭ قورىتىندىلارى تۋرالى اقپارات بەردى. پلەنۋمدا 2026–2030 جىلدارعا ارنالعان 15-بەسجىلدىق ەكونوميكالىق جانە الەۋمەتتىك دامۋ جوسپارى تالقىلانعان.
كەزدەسۋ سوڭىندا تاراپتار حالىقارالىق جانە وڭىرلىك ماسەلەلەر بويىنشا پىكىر الماستى.
ساپار اياسىندا ەرمەك كوشەرباەۆ بەيجىڭدەگى قازاقستان مادەنيەت ورتالىعىنا دا باردى. بۇل ورتالىق قازاقستان مەن قىتاي ۇكىمەتتەرى اراسىنداعى 2023 جىلعى قاراشادا جاسالعان كەلىسىم نەگىزىندە بيىل قۇرىلدى.
